Nacyjanalny centr intelektualnaj ułasnaści Hruzii («Sakpatenci») zapatentavaŭ tavarnyja znaki 30 najmieńniaŭ nacyjanalnych praduktaŭ, paviedamlaje interfax.ua sa spasyłkaj na kiraŭnika centra Iraklija Hvaładzie.
«U pryvatnaści, zapatentavanyja «čača» (vinahradnaja harełka), «chačapury» (aładka z syram), «čurčchieła» (słodyč z nanizanych na nitku arechaŭ u zhuščanym vinahradnym soku), «sułuhuni» (płastovy syr) i inšyja, usiaho 30 praduktaŭ», — skazaŭ jon.
Kiraŭnik «Sakpatenci» adznačyŭ, što ŭ apošni čas jaho viedamstva sutyknułasia z prablemaj prysvojvańnia hruzinskich nacyjanalnych brendaŭ u krainach Uschodniaj Jeŭropy i asabliva ŭ Rasii, dzie było niekalki sprobaŭ, naprykład, zarehistravać «chačapury» i «sułuhuni».
«Heta stvaraje nam surjoznyja prablemy pry rehistracyi praduktu, vyrablenaha niepasredna ŭ Hruzii», — zajaviŭ Hvaładzie.
Pavodle jaho słoŭ, rehistracyja nacyjanalnych brendaŭ praciahniecca i ŭ budučyni. «U pieršuju čarhu, my zarehistravali nazvy praduktaŭ, ale ŭ budučyni zapłanavana rehistracyja i inšych viadomych hruzinskich brendaŭ», — zajaviŭ kiraŭnik «Sakpatenci».
U žniŭni Hruzija viarnuła sabie handlovy znak papularnaha vina «Chvančkara», jaki ŭ 2005 hodzie byŭ prysvojeny patentnym biuro ZŠA kampanii Dozortsev&Sons, a taksama praduchiliła jaje pretenziju na tavarny znak jašče adnaho hruzinskaha vina — «Kindzmarauli», atrymaŭšy tym samym mahčymaść ekspartavać viny hetych marak na amierykanski rynak.
-
Deputata Jeŭraparłamienta, jaki rasśledavaŭ złoŭžyvańni Pegasus, samoha ŭzłamali hetaj špijonskaj prahramaj
-
Rasijanku, jakaja zrabiła ŭ bary «kaljan na kuličy», usio ž nie buduć adpraŭlać u kałoniju
-
Vatykan adłučyŭ ad carkvy Bractva śviatoha Pija X. Raskolniki majuć kaplicu ŭ Minsku, dzie ŭsio pa-rusku — što ciapier čakaje hetych viernikaŭ
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej14
Kamientary