Kolkaść paciarpiełych ad naravirusa na Alimpijskich hulniach u Pchiončchanie dasiahnuła 128 čałaviek. Pra heta, jak pieradaje RBK sa spasyłkaj na «Rienchap», paviedamili ŭ arhkamitecie Alimpijady.
Siarod tych, chto zachvareŭ niama spartsmienaŭ, adnak virusam zarazilisia pa mienšaj miery 34 supracoŭniki słužby biaśpieki. U arhkamitecie Alimpijady zajavili, što chvory piersanał byŭ źmieščany pad karancin kab nie dapuścić raspaŭsiudžvańnia zachvorvańnia. Dla taho, kab kampiensavać niedachop pracoŭnaj siły praz ŭzmacnieńnie mier biaśpieki ŭ suviazi ź virusam, da pracy na abjektach Alimpijady byli pryciahnutyja 900 vajskoŭcaŭ.
Arhanizatary paviedamili, što ŭ Pchiončchanie viadziecca pravierka vadapravodnaj vady i charčavańnia na pradmiet najaŭnaści virusa. Takim čynam arhkamitet maje namier spynić mahčymyja šlachi raspaŭsiudžvańnia zachvorvańnia.
Naravirus vyklikaje zachvorvańni straŭnikava-kišačnaha traktu, nazvany pa miascovaści Naruołk, Ahajo, ZŠA, dzie byŭ zarehistravany ŭpieršyniu ŭ listapadzie 1968 hoda padčas ŭspyški vostraha hastraenterytu siarod školnikaŭ. Pieradajecca pry pramym kantakcie z chvorym i praz zaražanuju ježu albo vadu. Časta naravirusnuju infiekcyju nazyvajuć kišačnym abo straŭnikavym hrypam.
Pra ŭspyšku naravirusa ŭ Pchiončchanie stała viadoma pierad pačatkam Alimpijady. Zachvorvańnie, jakoje vyklikała vysokuju tempieraturu i panos, było vyjaŭlena ŭ supracoŭnikaŭ charčovaha błoka ŭ miedyjavioscy Alimpijskich hulniaŭ i ŭ Moładzievym centry.
Sočym za Alimpijadaj razam z Bukmiekierskaj kantoraj Marafon.
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska3
Kamientary