Hetuju mahčymaść nia vyklučyŭ Łukašenka na sustrečy z kiraŭnictvam Kitajskaj Huandunskaj jadziernaj enierhietyčnaj karparacyi.
Pry vybary kampanii dla budaŭnictva AES Biełaruś budzie zychodzić vyklučna z prahmatyčnych met.
Ab hetym zajaviŭ siońnia Prezident Biełarusi Alaksandr Łukašenka na sustrečy z kiraŭnictvam Kitajskaj Huandunskaj jadziernaj enierhietyčnaj karparacyi.
«Heta vielmi surjozny prajekt. Biaśpieka AES u krainie, jakaja znachodzicca ŭ centry Jeŭropy, — heta i mižnarodnaja adkaznaść pierad partniorami i susiedziami», — padkreśliŭ kiraŭnik dziaržavy.
Alaksandr Łukašenka čarhovy raz zajaviŭ, što pry vybary prajekta pieravaha budzie addadziena bolš biaśpiečnamu, tannamu i jakasnamu.«Skažu adkryta i ščyra, što my sumlenna praviadziom tender. Kali vaša karparacyja prapanuje bolš vyhadnyja ŭmovy i abaviažacca pabudavać u Biełarusi atamnuju elektrastancyju, biaśpiečnuju pa ŭsich suśvietnych standartach, tannuju, jakasnuju, to budziecie budavać vy. Kali inšaja kampanija prapanuje lepšyja varyjanty, to, zrazumieła, budzie budavać jana», — skazaŭ Prezident, źviartajučysia da kiraŭnictva Kitajskaj Huandunskaj jadziernaj enierhietyčnaj karparacyi.
Pry hetym biełaruski lider adznačyŭ vopyt karparacyi ŭ budaŭnictvie atamnych elektrastancyj.«Toje, što vy ŭ Kitai sami budujecie AES, u vas jość peŭny vopyt, i vy supracoŭničajecie z samymi bujnymi suśvietnymi kampanijami, toje, što vy siońnia sami možacie sprajektavać i pabudavać AES, — heta darahoha kaštuje, i my heta ŭličvajem».
Kiraŭnik dziaržavy nahadaŭ, što ŭ svoj čas daručyŭ uradu prapanavać usim suśvietnym kampanijam, jakija majuć taki vopyt, pryniać udzieł u konkursie na budaŭnictva AES u Biełarusi. Takija zaprašeńni byli nakiravany amierykana‑iaponskaj, franka‑hiermanskaj, rasijskaj kampanijam i Kitajskaj Huandunskaj jadziernaj enierhietyčnaj karparacyi.
Kamientary