Chto taki Barys Surys — rasijska-izrailski biznesmien, jaki ŭkłaŭ hrošy ŭ restaran u Kurapatach
Restaran «Pajedziem, pajadzim» (były «Bulbaš-choł»), praciahvaje zastavacca ŭ centry ŭvahi. Viadoma, što ŭ asnoŭnym im zajmajecca biełaruski biznesmien Leanid Zajdes. Ale častka hrošaj była ŭkładziena hramadziankaj Izraila Alinaj Surys, jakaja nasamreč nie maje nijakaha dačynieńnia da restarana. Hrošy naležać jaje synu Barysu.
Alina Surys žyvie ŭ Izraili ŭ horadzie Pietach-Tykva.
«Naša Niva» źviazałasia ź joj, ale žančyna nie zachacieła razmaŭlać.
«Alina ničoha vam nie skaža, nivodnaha słova. Jana nie viedaje prosta, jana ž mama. Jana biznesam nie zajmajecca, jana pasiŭny zasnavalnik. Pa sutnaści, Barys pa hetym pytańni viedaje bolš za ŭsich paśla Zajdesa, — raspavioŭ «Našaj Nivie» 69-hadovy Pavieł Surys, rasijski biznesmien, jaki žyvie i pracuje ŭ Pieciarburhu. Pavieł — były muž Aliny i baćka Barysa Surysa, stałaha biznes-partniora Leanida Zajdesa. — Ja pieradam vašy kantakty, kali jon zachoča, to źviažacca z vami. Prosta heta novaja farmacyja biznesmienaŭ, jakija robiać tolki toje, što ličać pravilnym i patrebnym. Tym bolš tam ža hrošy ŭkładzieny, jany pabudavali vielmi prystojny restaran. Niezrazumieła, što lepš: muziej ci restaran».
Pavieł Surys pra sprečnuju situacyju z Kurapatami i restaranam viedaje. Jana jaho nie zasmučaje.
«Naša Niva» spytała ŭ Paŭła: kali «niezrazumieła, što lepš», dyk mo varta spytać spačatku ŭ ludziej, a paśla budavać?
«Dy nie treba ni ŭ kaho pytacca. «Narod suprać!» — chto suprać? Piaciora čałaviek, jakim płaciać hrošy za toje, kab jany chadzili tam na manifiestacyi? Heta hłupstva! Davajcie apuścimsia na ziamlu. U vašaj krainie chtości moža być suprać čahości? Ci ŭ našaj? — paśmiajaŭsia Pavieł Surys. — Ale tam ža niama vyznačeńnia dakładnaj zony! Heta tut, ci tam, ci trochi dalej… Dyk što tady, źnieści darohu, jakaja pobač? Bo jana idzie pa toj zonie, ale jaje pabudavali na ziamli, dzie byli rastralanyja ludzi!»
Ale ž Surysy — chiersonskija jaŭrei. Jon, jak čałaviek z habrejskimi karaniami ci adkryŭ by restaran na ziamli, jakaja zusim niadaŭna ŭvachodziła ŭ achoŭnuju zonu Aśviencima?
«Nu napeŭna nie. Ja dalikatny ŭ hetym pytańni», — pryznaŭ biznesoviec.
***
Sam Barys Surys na suviaź z «Našaj Nivaj» pakul tak i nie vyjšaŭ.
Barysu — 46 hadoŭ. Jon naradziŭsia i vyras va Ukrainie, u Chiersonie. Skončyŭ tam miedycynskuju vučelniu. Ciapier žyvie ŭ Rasii, u Pieciarburhu. Maje dobruju kvateru ŭ histaryčnym centry horada (trochpakajoŭka ŭ tym ža domie kaštuje bolš za 400 tysiač dalaraŭ). Ale hramadzianstva biznesoviec maje izrailskaje. Barys Surys — baćka dvaich dziaciej.
Raniej Surys byŭ kiraŭnikom kampanii «San try 2000 Pieciarburh», jakaja zajmałasia vytvorčaściu praduktaŭ charčavańnia: sokaŭ, areškaŭ, kietčupaŭ, majanezaŭ. Praŭda, praisnavała kampanija tolki paru hadoŭ. Paśla Barys zaniaŭsia raspaŭsiudam srodku dla pachudańnia «Hierbałajf». Pradavała bijadadatak kampanija «Achłama», dyrektaram jakoj i byŭ Surys.
Najbolš viadomaja historyja z udziełam Surysa — jaho vykradańnie ŭ 2005 hodzie.
«Dvoje nieviadomych, załamali ruki jamu, vyciahvali jaho z padjezda. Kryki zamiežnika: «Ja Barys Surys! Mianie vykradajuć!» - nie vyratavali niaščasnaha. Jaho siłkom upichnuli, jak potym vyśvietliłasia, u jaho ž aŭtamabil «HAZ-31028» biełaha koleru z taniravanymi šybami, za rul sieŭ adzin z vykradalnikaŭ, i mašyna schavałasia ź miesca zdareńnia», — pisała «Rośsijskaja hazieta».
Paviedamlałasia, što za Surysa patrabavali vykup u 2 miljony dalaraŭ. Svajaki Surysa pajšli ŭ milicyju. U vyniku biznesmiena vyzvalili. Milicyjanty nie razhałošvali padrabiaznaściej, ale pryznavali, što złačyncaŭ nie zatrymali.
«Kommiersant» pisaŭ, što złamyśniki sami adpuścili Barysa. Toj raskazaŭ, što jaho «doŭha vieźli kudyści na mašynie i vysadzili na Maskoŭskaj trasie, paśla jon na maršrutkach dabraŭsia da Piciera».
Ci płacili vykup za Surysa — nieviadoma. Baćka Barysa adkazvać na pytańnie nie zachacieŭ.
Restaran u Kurapatach — nie pieršy sumiesny biznes Barysa Surysa i Leanida Zajdesa.
Jany adny z zasnavalnikaŭ TAA «MAH 2000» u Kijevie. Kampanija zajmajecca vytvorčaściu płastykavych jełak. Filijał kampanii znachodzicca i ŭ Biełarusi — u Słucku, rodnym horadzie Zajdesa.
Akramia našych hierojaŭ zasnavalnikami kampanii paznačany niekalki hramadzian Polščy.
Tyja ž palaki iznoŭ razam z Surysam i Zajdesam — zasnavalniki jašče adnaho pradpryjemstva va Ukrainie. TAA «SK B.T.S.» zajmałasia budaŭničymi pracami i pieravozkaj hruzaŭ. Praŭda, na siońniašni dzień kampanija ŭ pracesie likvidacyi.
A ŭ dačynieńni da kampanii «MAH 2000» pačałosia dasudovaje rasśledavańnie. Niejkija słužbovyja asoby z kampanii Surysa i Zajdesa padazrajucca ŭ škodzie dziaržavie pamieram u paŭmiljona hryvien (kala 20 tysiač dalaraŭ).
Taksama Barys Surys paznačany jak zasnavalnik kampanii «DSM-inviest», jakaja znachodzicca ŭ Sankt-Pieciarburhu i zajmajecca nieruchomaściu.
Siońnia Surys ličycca dyrektaram pieciarburhskaha TAA «Reniesans», jakoje zajmajecca inviestycyjami. Cikava, što zasnavalnik «Reniesansa» — kampanija «Tebrydž chołdynh», jakaja zarehistravanaja ŭ Panamie.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary