Sud u Vašynhtonie adpraviŭ byłoha kiraŭnika vybarčaj kampanii Trampa za kraty za parušeńnie ŭmoŭ znachodžańnia pad chatnim aryštam. Suprać byłoha kiraŭnika kampanii Trampa vyłučany novyja abvinavačvańni — u cisku na śviedak pa jahonaj spravie, jakim jon pisaŭ šyfravanyja paviedamleńni ŭ miesiendžary.
Manaforta abvinavačvajuć u tym, što, znachodziačysia pad chatnim aryštam, jon sprabavaŭ tajemna źviazacca sa śviedkami pa jahonaj spravie i paŭpłyvać na ich pakazańni.
Sud nad Manafortam pa abvinavačvańni ŭ admyvańni hrošaj i niezakonnym łabijavańni pavinien pačacca ŭ vieraśni. Inšyja sudovyja słuchańni — pa abvinavačvańni va ŭchileńni ad padatkaŭ, jak čakajecca, pačnucca ŭžo ŭ lipieni. Da pačatku słuchańniaŭ jon zastaniecca ŭ turmie.
Kali Poła Manaforta pryznajuć vinavatym, jaho čakaje praciahły termin turemnaha źniavoleńnia.
Apošnija abvinavačańni suprać palittechnołaha byli vyłučanyja ŭ minułuju piatnicu 8 červienia. Jaho i rasijanina Kanstancina Kilimnika abvinavacili ŭ supraćdziejańni pravasudździu ŭ pieryjad ź lutaha pa krasavik 2018 hoda.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary