Infarmacyja pra toje, što žychar pasiołka Bahušeŭsk Sieńnienskaha rajona šukaje vykanaŭcu dla zakaznoha zabojstva, stała viadomaja pravaachoŭnikam viasnoj hetaha hoda. Metaj najomnaha zabojcy musiła być 21-hadovaja adnaviaskoŭka. Žyćcio maładoj žančyny zakazčyk acaniŭ u tysiaču dalaraŭ.
Mužčyna ličyŭ jaje vinavataj u śmierci syna, jaki zahinuŭ u DTZ. Žančyna była za rulom Ford Focus, jaki, vylecieŭšy na sustrečnuju pałasu, urezaŭsia ŭ aŭto, u jakim jechaŭ syn.
Sud pryznačyŭ žančynie pakarańnie ŭ vyhladzie pazbaŭleńnia voli terminam na 5 hadoŭ z nakiravańniem u vypraŭlenčuju kaloniju-pasialeńnie ŭ Homielskaj vobłaści.
Ale baćka prahnuŭ pomsty. Vykanaŭcu zabojstva jon šukaŭ jak u Biełarusi, tak i na terytoryi Rasii. Supracoŭniki HUBAZiK vyjšli na hramadzianina Biełarusi 1979 hoda naradžeńnia, žychara RF, jakomu było prapanavana vykanać złačynstva. Dalejšaja realizacyja złačynnaha namieru prachodziła pad kantrolem apieratyŭnych supracoŭnikaŭ. Zamoŭca šyfravaŭsia, paźbiahajučy telefonnych razmoŭ i inšych kantaktaŭ praz srodki kamunikacyi: abmierkavańnie ŭsich pytańniaŭ prachodziła tolki pry asabistych sustrečach.
Padčas adnoj ź ich, u jakaści dokazu vykananaj pracy, umoŭny «kiler» pakazaŭ fota achviary z adsiečanaj nahoj, vyrablenaje šlacham fotamantažu.
Pakutlivaja śmierć była adnym z patrabavańniaŭ zamoŭcy.
Paśla taho mužčyna byŭ zatrymany supracoŭnikami HUBAZiK pry siłavoj padtrymcy AMAPu.
Padazravany — hramadzianin Armienii, u Biełarusi jon mieŭ vid na žycharstva.
Raspačataja kryminalnaja sprava, padazravany znachodzicca ŭ IČU Viciebska, paviedamlaje načalnik adździeła pa baraćbie z arhanizavanaj złačynnaściu 7-ha ŭpraŭleńnia (pa Viciebskaj vobłaści) MUS Rusłan Bajazitaŭ.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary