Paśla pryznańnia adzinaj Ukrainskaj pravasłaŭnaj carkvy ŭsie budynki, jakija ciapier zajmaje va Ukrainie Maskoŭski patryjarchat, piarojduć va ŭłasnaść UPC.
Pra heta ŭ intervju telekanału «Pramy» paviedamiŭ pradstajaciel UPC KP — patryjarch Kijeŭski i ŭsioj Rusi-Ukrainy Fiłaret, piša pravda.com.ua sa spasyłkaj na pres-słužbu UPC KP.
«Dziaržava pieradała svaju ŭłasnaść u karystańnie Ukrainskaj carkvy Maskoŭskaha patryjarchata. Ale kali budzie tut ukrainskaja carkva pryznanaja, to Łaŭra — i adna, i druhaja [Kijeva-Piačerskaja i Pačajeŭskaja] — buduć pieradadzienyja Ukrainskaj carkvie», - padkreśliŭ jon.
«Sprava ŭ tym, što nijakaj ułasnaści Maskoŭski patryjarchat va Ukrainie nie maje. Ułasnaść carkvy va Ukrainie źjaŭlajecca ŭłasnaściu ŭkrainskaj carkvy», — dadaŭ Fiłaret. Jon adznačyŭ, što Kijeva-Piačerskaja i Pačajeŭskaja łaŭry źjaŭlajecca ukrainskimi śviatyniami, da jakich Maskoŭski patryjarchat nijakaha dačynieńnia nie maje. «A tyja prychody, jakija pabudavali, i svaje chramy za svoj košt, to heta ŭłasnaść hetych parafij, a nie Rasii. Tamu Rasija tut svajoj ułasnaści carkoŭnaj nie maje», — rastłumačyŭ Fiłaret.
Jak paviedamlałasia, 17 maja 2018 prezident Ukrainy Piatro Parašenka zajaviŭ, što źvierniecca da Usialenskaha patryjarcha Varfałamieja z prośbaj abviaścić aŭtanomiju Ukrainskaj pamiesnaj aŭtakiefalnaj carkvy. Pytańnie ab aŭtakiefalii Ukrainskaj Pravasłaŭnaj Carkvy moža być razhledžana na sabory Kanstancinopalskaj Patryjarchii ŭ vieraśni.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary