Padčas archieałahičnych raskopak na pasieliščy kala vioski Halšany Ašmianskaha rajona znojdzieny dom družyńnika X stahodździa, paviedamiŭ BiełTA kiraŭnik ekśpiedycyi, navukovy supracoŭnik Instytuta historyi NAN Pavieł Kieńka.
Kala Halšan znachodzicca kompleks archieałahičnych pomnikaŭ, jaki ŭklučaje haradzišča, sielišča i try kurhannyja hrupy.
Miastečka Halšany ŭpieršyniu zhadvajecca ŭ «Chronicy Bychaŭca».
«U hetym hodzie padčas raskopak na pasieliščy ŭdałosia znajści žyłuju pabudovu X stahodździa.
Jana ŭjaŭlaje saboj dva łancužki padmurka z bujnych vałunoŭ, pieč-kamienku, ahmień dla hatavańnia ježy, a taksama kanstrukcyju z bujnych płoskich kamianioŭ, pryznačeńnie jakoj jašče treba budzie vyśvietlić», — skazaŭ Pavieł Kieńka.
Takija pabudovy sustrakalisia ŭ najbolš važnych centrach biełaruskaha i litoŭskaha Paniamońnia (Vaŭkavysku, Krevie, Navahrudku, Vilni).
U pabudovie znojdzienyja pradmiety, jakija datujucca X stahodździem: pajasnyja nakładki na družynny pojas z Vołžskaj Bułharyi, frahmient pochvy miača sa Skandynavii, frahmient srebnaha dyrchiema, adbitaha ŭ Arabskim chalifacie, hirka dla ŭzvažvańnia srebra, frahmient branzaleta i huzik na kaftan z Kijeva.
Hety nabor artefaktaŭ — rečy družyńnika, jakija majuć jak paŭnočnaje (skandynaŭskaje), tak i paŭdniovaje (chazarska-vuhorskaje) pachodžańnie i jakija adlustroŭvajuć modu taho času.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary