Milicyja paviedamiła, što minčuk prysabiečyŭ u banku čužyja hrošy. Ale ŭsio akazałasia nie tak
U Redakcyju «Našaj Nivy» źviarnuŭsia mužčyna, jakoha ŭ sakaviku 2018 hoda šukała milicyja. Jon nibyta prysabiečyŭ pamyłkova vydadzienyja hrošy ŭ adnym z abmieńnikaŭ Minska.
Adbyłasia sprava ŭ sakaviku.
«Ja daviedaŭsia pra heta, kali mianie vystavili ŭ internet. Siabry ŭbačyli i pačali zvanić, — raskazaŭ mužčyna, jakoha zvać Piatro. — Ciapier raźbiralnictva skončanaje, pretenzij da mianie niama, tamu ja chaču publična dać abviaržeńnie».
«HUUS paviedamiła, što ja nibyta ŭziaŭ 36 tysiač rasijskich rubloŭ (heta 1230 biełaruskich rubloŭ na toj čas — Red.). Mianie ŭ milicyi raskručvali: maŭlaŭ, addavaj hrošy, heta tvoj kasiak. Ale ja skazaŭ, što kali jany mnie pakažuć, što ja niešta braŭ — to ja viarnu.
Reč u tym, što ja navat nie rasijskija rubli atrymlivaŭ, u mianie mama lacieła za hranicu i ja rabiŭ kanviersiju ŭ dalary, i ŭ rukach u mianie byli dalary.
A ŭ ich nijakich paćvierdžańniaŭ nie było, choć tam i kamiery stajać — usio tolki sa słovaŭ kasirki było. U mianie ž kolki było pa čeku, stolki i ŭ rukach», — skazaŭ mužčyna.
-
Katalicki sajt: Na Pieršym kanale katalickaja imša zastałasia, źnikła jana z kanała «Kultura»
-
Azaronak pra zakryćcio biełaruskich kram: Prybrali tamu, što vy heta lubili. Mnie nie lanota siadzieć i hladzieć, dzie što pradajuć
-
Cichanoŭskaja: Kali my nie pazbavimsia hetaha režymu, pahroza z terytoryi Biełarusi budzie zastavacca pastajannaj
Kamientary