Amierykanski sienatar Džon Makiejn, jaki pry žyćci sam zajmaŭsia płanavańniem svajho pachavańnia, vybraŭ rasijskaha apazicyjaniera Uładzimira Kara-Murzu — małodšaha, kab nieści trunu na cyrymonii raźvitańnia, paviedamiła vydańnie Politico.
Pavodle Politico, u krasaviku ahulny siabar pieradaŭ Kara-Murzu—małodšamu asabistaje paviedamleńnie ad Makiejna.
«U toj momant u mianie nie było słoŭ, ja byŭ zabity horam, byŭ hatovy raspłakacca», — raspavioŭ Kara-Murza, dadaŭšy, što pryniaŭ prapanovu i ličyć jaje honaram dla siabie.
Žurnalist taksama adznačyŭ, što tady Makiejn nie vieryŭ u niepaźbiežnaść svajoj śmierci ad chvaroby, ale, niahledziačy na heta, usio płanavaŭ.
Raźvitańnie adbudziecca ŭ subotu ŭ Nacyjanalnym sabory Vašynhtona, pachavańnie — u niadzielu ŭ Anapalisie, stalicy štata Merylend.
Kamientary