U ministerstvie achovy zdaroŭja Biełarusi źjavicca «sistema ŭnutranaj biaśpieki» z daśviedčanych ekanamistaŭ. Pra heta ŭ efiry telekanała STB zajaviŭ ministr achovy zdaroŭja Valeryj Małaška, piša Tut.by.
— My pavinny pravieści sapraŭdy niejkuju pierazahruzku ŭ dačynieńni, u pieršuju čarhu, finansava-haspadarčaj dziejnaści, kantrolnaj dziejnaści z ustanovami achovy zdaroŭja. Zrazumieła, što siońnia my pavinny ŭvodzić sistemu ŭnutranaj biaśpieki. Heta nie stolki milicejskija funkcyi, tak skažam, kolki ŭ pieršuju čarhu vopytnyja ekanamisty, jakija buduć kantralavać i siarednieŭzvažanyja ceny na tuju techniku, što nabyvajecca, lekavyja preparaty, kantralavać paradak praviadzieńnia tych ci inšych pracedur. Na heta šmat u čym nas šturchaŭ i akcentavaŭ svaju ŭvahu prezident, — raspavioŭ kiraŭnik Ministerstva achovy zdaroŭja pa vynikach narady ab prablemnych pytańniach u sistemie achovy zdaroŭja i kadravych pryznačeńniach.
Na naradzie 11 vieraśnia Alaksandr Łukašenka žorstka raskrytykavaŭ situacyju z karupcyjaj u Ministerstvie achovy zdaroŭja i ministra viedamstva.
— Heta ž u vas pad nosam. Nu vy kudy hladzieli? Bo tam zatrymanyja niepasredna vašy padnačalenyja. Vy mnie sumlenna skažycie, pamiž nami kažučy, vy zdolnyja kiravać ministerstvam? Bo kali vy niazdolnyja, dalej budzie horš.
U svaju čarhu Valeryj Małaška zapeŭniŭ kiraŭnika krainy, što «zrobić usio dla taho, kab vypravić niedachopy».
Taksama Alaksandr Łukašenka pryhraziŭ kiraŭnictvu Ministerstva achovy zdaroŭja.
— Ja vam zadaju pramoje pytańnie ŭsim - namieśnikam, ministru - vy tam, vypadkova, nie trapilisia? Maja vam parada i pieradajcie svaim padnačalenym - kali ŭ vas tam niešta jość, to vy znajdzicie mahčymaść vychadu z hetaj situacyi. Heta maja vam parada. Nie daj boh mnie paviedamiać choć najmienšuju začepku pa piersanalijach, pa kiraŭnictvie Ministerstva achovy zdaroŭja, ja budu nastojvać na tym, kab pamnožyli na 3. Minimum atrymajecie kaeficyjent 3. Kali dzieści spahada kamuści budzie, to vam budzie pavieličeńnie. Adrazu množcie na 3. Tamu kali, nie daj boh, vy niedzie zabłytalisia, pašukajcie vychad z hetaj situacyi.
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary