Na Minskim miedyjaforumie sajt «Mieduza» nazvali «udarnaj infapryładaj NATA»
U Minsku papularny ruskamoŭny sajt «Mieduza» nazvali «udarnaj infarmacyjnaj pryładaj NATA ŭ sacmiedyja». Taki słajd byŭ pakazany rasijskim palitołaham Iharam Panarynym na Mižnarodnym miedyjaforumie, jaki prachodzić u biełaruskaj stalicy i arhanizavany Ministerstvam infarmacyi. Fota ŭ Telegram źmiaścili «Adkrytyja miedyja», piša Jeŭraradyjo.
Panaryn — vypusknik vajskovaj vučelni suviazi KDB SSSR, słužyŭ u savieckaj dziaržbiaśpiecy. Źjaŭlajecca nie tolki palitołaham, ale i psichołaham, kandydat psichałahičnych navuk, dziejny člen rasijskaj Akademii vajennych navuk. 12 hadoŭ tamu prapanavaŭ stvaryć pa madeli ES «Jeŭrazijskuju Ruś».
«Mieduza» — ruskamoŭnaje internet-vydańnie, jakoje zarehistravanaje ŭ Łatvii. Jano było stvorana Halinaj Cimčanka. U 2014-m jaje zvolnili z pasady hałoŭnaha redaktara sajta Lenta.ru, i razam ź joj syšła značnaja častka supracoŭnikaŭ redakcyi. Jany i pačali čatyry hady tamu realizoŭvać novy prajekt. Letaś «Mieduza» zaniała pieršaje miesca pa cytavanaści siarod rasijskich internet-resursaŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary