Abarona Viktara Janukoviča zajaŭlaje, što eks-prezident Ukrainy choča ŭziać udzieł u pasiadžeńni Abałonskaha rajonnaha suda Kijeva i vystupić z apošnim słovam praź videasuviaź z Rasii, adnak nie moža hetaha zrabić z-za traŭmy chrybta i sustava, piša bbc.com.
«U jaho ciažkaja traŭma. Jon nie maje mahčymaści samastojna pierasoŭvacca, samastojna ŭstać z łožka. Kančatkovy dyjahnaz lekary abvieściać siońnia-zaŭtra», - zajaviŭ jaho advakat.
Sudździa skazaŭ, što Viktaru Janukoviču dazvolać vystupać siedziačy abo ležačy ŭ balničnym łožku, ale abaroncy na heta nie pahadzilisia.
Sud zadavoliŭ chadajnictva advakataŭ i pieranios pasiadžeńnie na try tydni, na 5 śniežnia.
Mienavita takim, śćviardžali abaroncy, moža być termin lačeńnia Viktara Janukoviča.
Paśla apošniaha słovy Viktara Janukoviča, što było zapłanavana na 19 listapada, sud pavinien syści ŭ daradčy pakoj rychtavać prysud.
Eks-prezident Ukrainy abvinavačvajecca ŭ dziaržaŭnaj zdradzie. Abvinavačańnie prosić prysudzić jaho da 15 hadoŭ źniavoleńnia.
Raniej Viktar Janukovič nieadnarazova zajaŭlaŭ praz svaich abaroncaŭ, što admaŭlajecca ad udziełu ŭ sudovym pracesie, pakolki ličyć jaho palityčna matyvavanym.
U toj ža čas, dziaržaŭnyja abvinavaŭcy zajavili, što, aznajomiŭšysia ź miedycynskaj daviedkaj, pradstaŭlenaj abaronaj, nie ličać, što atrymanyja traŭmy mohuć być padstavaj dla niaŭdziełu ŭ pasiadžeńni suda.
Na dumku prakuroraŭ, sapraŭdnaj pryčynaj źjaŭlajucca sproby paźbiehnuć dopytu i zaciahnuć sudovy praces.
Rasijskija ŚMI ŭ niadzielu, 18 listapada, paviedamili, što Viktar Janukovič atrymaŭ traŭmu padčas hulni ŭ tenis u minułuju piatnicu. Pavodle paviedamleńniaŭ, jaho dastavili ŭ balnicu z padmaskoŭnaha tenisnaha kłuba, dzie jon nibyta ŭpaŭ.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary