U Słucku adbyŭsia mitynh u honar antybalšavickaha Zbrojnaha čynu FOTY

Bolš za 50 aktyvistaŭ ź Miensku, a taksama kala dziesiaci miascovych žycharoŭ praviali ŭ Słucku mitynh z nahody 98-j hadaviny Słuckaha zbrojnaha čyna. Repartaž sa Słucku viało Radyjo Svaboda.

U 1920 hodzie niekalki tysiač žycharoŭ ciapierašnich Słuckaha, Kapylskaha i Salihorskaha rajonaŭ sa zbrojaj u rukach vyjšli baranić Biełaruskuju Narodnuju Respubliku ad vojskaŭ Čyrvonaj armii, dasłanych z Maskvy.

Pavialičyć

Ideja abarony niezaležnaści siońniašniaj Biełarusi stała hałoŭnym matyvam ŭ pramovach na mitynhu ŭ Słucku.

Staršynia Partyi BNF Ryhor Kastusioŭ zaklikaŭ ušanoŭvać pamiać hierojaŭ Słuččyny, jakija addali žyćci za volnuju Biełaruś, bo ad hetaj pamiać zaležyć, ci zachavaje kraina niezaležnaść.

«Moža ciapier Biełaruś jašče nia taja volnaja kraina, pra jakuju maryli słuckija hieroi, ale jana takoj budzie», — pierakanany Kastusioŭ.

Pavodle staršyni Ruchu «Za svabodu» Jurasia Hubareviča, niezaležnaści krainy jak, i ŭ časy Słuckaha zbrojnaha čynu, pahražaje «imperyja na ŭschodzie» i baranić Biełaruś ŭ ciažki momant daviadziecca prostym ludziam, a na ciapierašnich čynoŭnikaŭ, vajskoŭcaŭ i milicyjantaŭ asablivaj nadziei niama. «Prykład Ukrainy pakazvaje, što jany mohuć zdradzić ŭ luby momant»,— skazaŭ Hubarevič.

Pavialičyć

Kiraŭnik ruchu salidarnaści «Razam» Viačasłaŭ Siŭčyk taksama nie spadziajecca na toje, što za Biełaruś buduć zmahacca tyja, chto siońnia kiruje krainaj: «Bo jany nia lubyć Biełaruś i biełarusaŭ».

Pavodle Viačasłava Siŭčyka, samaachviarnaść udzielnikaŭ Słuckaha zbrojnaha čynu vyjaviłasia nia tolki ŭ baraćbie z balšavickim vojskam, ale i ŭ polskich lahierach dla internavanych, kudy patrapili paśla bajoŭ na Słuččynie adstupiŭšyja zmahary za biełaruskuju niezaležnaść.

«Biez hieraičnych dziejańniaŭ nia možy być budučyni. Słava hierojam Słuččyny!» — źviarnuŭsia da mitynhoŭcaŭ Viačasłaŭ Siŭčyk.

U pamiać pra zahinułych słuckich vajaroŭ pračytali malitvu śviatary Aŭtakiefalnaj biełaruskaj pravasłaŭnaj carkvy.

A zakončyŭsia mitynh prysiahaj aktyvistaŭ «Maładoha frontu», jakija tolki ŭstupili ŭ arhanizacyju. Heta adbyłosia pad vialikim bieł-čyrvona-biełym ściaham, raściahnutym nad mitynhoŭcami.

Pavialičyć

«Usiaho padali zajavy na ŭstupleńnie ŭ «Małady front» 17 čałaviek, ale nia ŭsie jašče mohuć advažycca na publičnaje pryniaćcie prysiahi», — pryznaŭ paśla mitynhu u razmovie z karespandentam Svabody Dzianis Urbaranovič, viadomy pa ŭdziełu ŭ pikietavańni restaracyi «Pojediem pojedim» u Kurapatach.

Maładafrontaviec Mikałaj ź Miensku paćvierdziŭ słovy Dzianisa Ŭrbanoviča. «Tak, voś ja nie chacieŭ by nazyvać svajo proźvišča i pakazvać tvar, tamu zakryŭ jaho šalikam. Nie vyklučaju cisku. Na vučobie, doma», — skazaŭ chłopiec.

Akcyja ŭ Słucku była dazvolenaja miascovymi ŭładami. Mitynh prajšoŭ u miascovym parku kala stadyjona. Milicyjanty achoŭvali miesca praviadzieńnia akcyi, ale nie zaminali ŭdzielnikam. Pierad mitynham aktyvisty prajšli pa vulicy Vilenskaj ź bieł-čyrvona-biełymi ściahami pad vokličy «Žyvie Biełaruś!» i «Słava hierojam Słuččyny!».

Paśla mitynhu ŭ haradzkim Domie kultury pačaŭsia kancert, pryśviečany Dniu hierojaŭ Słuččyny. Vystupić na im pahadzilisia Lavon Volski, Andrej Chadanovič, hurty «Charačakra» i Zanzibar. Kab pasłuchać vystup muzykaŭ u Domie kultury Słucku sabralisia kala dvuchsot słuččakoŭ i haściej horada. Kancert arhanizavaŭ Ruch «Dzieja».

• 0
• 0
• 0
• 0
• 0
• 0
• 0
• 0