Adsutnaść vulic mnohija ličać dobraj tradycyjaj.
Ab uviadzienni nazvaŭ vulic na miascovym refierendumie ŭ niadzielu, 3 lutaha, hałasujuć u abščynie Hilhiermisen, što ŭ Nižniaj Saksonii. Da hetaha času ŭ Hilhiermisenie, dzie pražyvajuć bolš za 2200 čałaviek, na miesca ich pražyvańnia ŭkazvali tolki nazvy rajonaŭ i numary damoŭ.
Prava hołasu ŭ abščynie majuć 1900 čałaviek. Rašeńnie ab praviadzieńni refierendumu letaś pryniaŭ miascovy saviet. Tady siem deputataŭ z 12-i prahałasavali za heta z metaj palapšeńnia pošuku adrasataŭ. Abščyna była zasnavana ŭ 1974 hodzie šlacham abjadnańnia niekalkich siołaŭ, nazvami jakich paznačyli rajony Hilhiermisena.
Prychilniki idei abaznačeńnia vulic zaŭvažajuć, što navihacyjnyja dadatki drenna pracujuć, kurjerskija kampanii skardziacca, uźnikajuć prablemy dla vyratavalnych słužbaŭ.
Zatoje tradycyjanalisty admaŭlajuć, śćviardžajučy, što vyratavalniki majuć sučasnyja navihatary, jakija svoječasova davodziać ich, kudy treba, a z nazvami vulic budzie stračana praciahłaja tradycyja, kali adras składajecca z nazvy staroj vioski i numara chaty.
«Na žal, sprečka začapiła mnohich asabista. Časam jana padzialaje siemji, i šmat chto ličyć jaje krynicaj kanfliktu», — kaža miascovy kiraŭnik Vilfryd Imharten, cytuje ahienctva navinaŭ dpa. Pa dadzienych dpa, na hety momant u Niamieččynie isnuje bolš za 100 nasielenych punktaŭ biez nazvaŭ vulic.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ1
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary