2 sakavika ŭ Minsku adbyłasia bojka pamiž mužčynam u kazackim adzieńni i žycharom stalicy, jaki vyrašyŭ jaho sfatahrafavać.
Paciarpieły Viktar K. padrabiazna raspaviadaŭ «Našaj Nivie» svaju viersiju zdareńnia. Pa jaho słovach, mužčyna zaŭvažyŭ, što jaho zdymajuć, paviedamiŭ, što «za takoje telefony bjuć», i ŭdaryŭ Viktara pa ruce z mabilnikam. Paśla mužčyny sčapilisia, ich zabrała milicyja.
Jak stała viadoma paźniej, 11 sakavika, «kazak» pazvaniŭ paciarpiełamu i paprasiŭ prabačeńnia.
Praŭda, 10 sakavika pravasłaŭnyja adznačali Daravalnuju niadzielu. Tamu vybačeńni mohuć być źviazanyja z relihijaj. Paciarpieły raspavioŭ, što pra Daravalnuju niadzielu kazaŭ i sam «kazak».
«Naša Niva» źviazałasia z tym «kazakom» — Iharam S.
«Ja pryncypova nie razmaŭlaju z žurnalistami. Tamu bolš nie zvanicie mnie, ja pryncypova nie budu adkazvać», — skazaŭ Ihar S.
Ale jon paćvierdziŭ, što zvaniŭ paciarpiełamu z vybačeńniami. Čamu jon raptam vyrašyŭ vybačycca, «kazak» raskazvać nie zachacieŭ.
«Heta maja asabistaja sprava z tym mužčynam. Ja paprasiŭ prabačeńnia praz svoj śvietapohlad», — koratka adkazaŭ Ihar S.
Paciarpieły Viktar K. ciapier kaža, što moža i nie varta davodzić spravu da suda.
«Ja ŭžo schilajusia da taho, što varta vybačyć hetaha čałavieka. Miarkuju, što dla jaho heta i tak budzie ŭrokam na budučyniu. A mnie z taho, što jaho pakarajuć, lahčej žyć nie stanie», — kaža Viktar.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja6
Kamientary