13 sakavika pryciahnuli da administracyjnaj adkaznaści kiroŭcu-biaspraŭnika, jaki ŭciakaŭ ad supracoŭnikaŭ DAI, paviedamlaje uvd.grodno.by.
U kancy lutaha ŭ internecie apublikavali videarolik, źniaty adnym z pasažyraŭ «Dodža», jakoha pieraśledavała DAI.
Jak vyśvietliłasia, 16 lutaha a čaćviortaj hadzinie nočy 31-hadovy hrodzieniec biez prava kiravańnia zabraŭ siabroŭ, kab ź imi na aŭtamabili «Dodž» pakatacca pa horadzie.
Jon nie spyniŭsia pa patrabavańni naradu DPS, chavaŭsia pa haradskich vulicach, niekalki razoŭ vyjazdžaŭ na pałasu sustrečnaha ruchu i na darozie byŭ zabłakavany słužbovymi aŭtamabilami.
Jak vyśvietliłasia, pravy kiroŭca nikoli nie atrymlivaŭ, raniej jaho zatrymlivali 9 razoŭ za kiravańnie ŭ stanie ałkaholnaha apjanieńnia.
U hety raz kazaŭ, što ałkahol nie ŭžyvaŭ, ale prachodzić miedahlad admoviŭsia.
Za «administratyŭku» kiroŭca aštrafavany na 20 bazavych vieličyń i na 2 hady pazbaŭleny prava zajmacca dziejnaściu, źviazanaj z kiravańniem transpartam.
Taksama jaho pryciahnuć da kryminalnaj adkaznaści. Sud taksama vyrašyć pytańnie nakont kanfiskacyi aŭtamabila «Dodž».
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary