Alaksandr Łukašenka siońnia ŭ čas rabočaj pajezdki ŭ Łahojski rajon prakamientavaŭ burnuju reakcyju z roznych bakoŭ z nahody jaho zajaŭ ab vybarach va Ukrainie, jakija jon zrabiŭ napiaredadni ŭ intervju tureckamu ahienctvu «Anadołu», piša BiełTA.
«Ja skazaŭ toje, što dumaju. Kali ty nie viedaješ, za kaho hałasavać, — nie hałasuj. Navošta ty hałasuješ, navošta ryzykuješ?» — adznačyŭ kiraŭnik dziaržavy.
«Nie, jon (kažuć) Parašenku padtrymlivaje. Jak byccam Parašenka ŭ mianie siabar, a Zialenski vorah», — adreahavaŭ Alaksandr Łukašenka.
Pavodle słoŭ kiraŭnika krainy, u tym liku i ŭ Rasii Zialenskaha «dubasiać», uspaminajuć jamu akciorskuju prafiesiju. «A što, akcior nie moža być prezidentam?» — zadaŭ pytańnie kiraŭnik dziaržavy.
U hetym płanie jon pryvioŭ prykład Ronalda Rejhana, jaki abiraŭsia prezidentam ZŠA.
Akramia taho, Alaksandr Łukašenka źviarnuŭ uvahu, što va Ukrainie pryniaćcie mnohich rašeńniaŭ zaležyć ad uchvaleńnia parłamienta. «Parašenku ŭdavałasia damovicca, była svaja frakcyja. Nu, stanie tam Piatroŭ, Zialenski, Sidaraŭ (prezidentam) — usio vyrašycca na parłamienckich vybarach. A tam budzie raźbiežka vialikaja. Nie, hvałt učynili…» — skazaŭ biełaruski lidar.
Łukašenka: Ja schilny dumać, što prezidenckija vybary vyjhraje Parašenka
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary