Hrodziencu, jakoha buduć sudzić za klip Rammstein, za try dni sabrali ŭ internecie hrošy na advakata
Haradziencu Andreju Hałavienku, na jakoha zaviali kryminalnuju spravu za repost klipa Rammstein, biełarusy sabrali amal udvaja bolš hrošaŭ na advakata, čym chłopiec prasiŭ, piša radyjo «Svaboda».
Andrej abvieściŭ pra zbor srodkaŭ na svaju abaronu ŭ sudzie na staroncy ŭ fejsbuku ŭviečary 10 krasavika.
«Kali možacie, to dapamažycie finansava, litaralna pa rubli, pa dva, kolki možacie, skińcie! Budu vielmi ŭdziačny za vašu padtrymku!», — napisaŭ chłopiec.
Hrošy źbirali praz novuju platformu chutkaha zboru hrošaŭ molamola.by. Hałavienka prasiŭ 1150 rubloŭ. Adnak na 14 krasavika jamu pieraličyli ŭžo 2192 rubli, amal udvaja bolej zajaŭlenaj sumy. Dobraachvotniki zrabili 163 płaciažy.
Andrej Hałavienka daviedaŭsia pra kryminalnuju spravu za raspaŭsiud parnahrafii (č. 2 art. 343) sioleta 8 krasavika, kali jaho vyklikali ŭ śledčy kamitet. Akazałasia, što ŭ 2014 hodzie jon raźmiaściŭ na svajoj staroncy sacyjalnaj sietki «UKantakcie» klip Pussy hurtu Rammstein. A 21 sakavika 2019 hodu Dziaržkamitet sudovych ekspertyz pryznaŭ hety klip zabaronienym da pakazu i raspaŭsiudžvańnia z pryčyny ŭtrymańnia parnahrafičnych scen.
Artykuł praduhledžvaje pakarańnie ŭ vyhladzie pazbaŭleńnia voli ad 2 da 4 hadoŭ.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ27
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary