U Vialikabrytanii niepaŭnaletnim zabaroniać stavić łajki ŭ sacsietkach
Brytanskija dzieci i padletki da 18 hadoŭ buduć pazbaŭlenyja mahčymaści stavić łajki ŭ fejsbuku i instahramie ŭ ramkach novych pravił pa achovie dziaciej u sacsietkach.
Jak piša Times, u adpaviednaści z novym kodeksam pravił dla technałahičnych kampanij u krainie sacsietki pavinny buduć vykonvać 16 patrabavańniaŭ, siarod jakich zabarona na zaachvočvańnie dziaciej marnavać čas u internecie. Taksama kampanii pavinny buduć źvieści da minimumu zbor i zachoŭvańnie piersanalnych danych dziaciej, nie buduć mieć prava dzialicca hetymi danymi i, tym bolš, vykarystoŭvać ich u kamiercyjnych metach, a taksama nie zmohuć bolš adsočvać pieramiaščeńnia junych karystalnikaŭ.
Hetyja patrabavańni, jak piša hazieta, aznačajuć, što sajty pavinny buduć mieć dźvie viersii: dla darosłaj i dziciačaj aŭdytoryi. Kali technałahičnyja kampanii nie zmohuć pakazać, što jany ŭmiejuć adroźnivać darosłych i niepaŭnaletnich karystalnikaŭ, to im pryjdziecca ŭsim karystalnikam dać tuju ž stupień abaronienaści i pryvatnaści, što i dzieciam. Praviły buduć raspaŭsiudžvacca nie tolki na brytanskija kampanii, ale i na zamiežnyja, jakija pracujuć u krainie. Parušalnikam pahražajuć bujnyja štrafy — da 4% hadavoha abarotu kampanii.
Ekśpierty, ź jakimi parazmaŭlała Times, ličać, što kali praviły ŭ takim vyhladzie ŭstupiać u siłu, to niekatoryja amierykanskija technahihanty nie zmohuć ci nie paličać vyhadnym praciahvać pracavać na brytanskim rynku i ich sajty stanuć u krainie niedastupnymi.
Apytanka
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary