Fiadyniča apraŭdali pa administracyjnaj spravie za źjaŭleńnie ŭ pjanym vyhladzie
Namieśnik načalnika ŭpraŭleńnia milicyi Centralnaha rajonu Miensku pałkoŭnik Alaksandar Basaŭ zakryŭ administracyjnuju spravu suprać byłoha staršyni REP Hienadzia Fiadyniča, asudžanaha na abmiežavańnie svabody («chatniuju chimiju»), piša «Radyjo Svaboda».
Sprava źjaviłasia paśla taho, jak 30 sakavika Hienadzia Fiadyniča zatrymali dvoje supracoŭnikaŭ milicyi i advieźli na medyčny ahlad. Prafsajuznamu aktyvistu inkryminavali častku pieršuju artykuła 17.3 Kodeksu ab administratyŭnych parušeńniach — źjaŭleńnie ŭ hramadzkich miescach u stanie apjanieńnia. Heta pahražała štrafam da 204 rubloŭ.
Pry hetym Fiadynič pryznavaŭ, što sapraŭdy vypiŭ krychu kańjaku, ale byŭ doma, u hramadzkich miescach nie źjaŭlaŭsia — za vyklučeńniem pajezdki ź milicyjantami.
Fiadynič padychaŭ u trubku — aparat pakazaŭ 1,5 pramile, uziać kroŭ dla bolš dakładnaha analizu medyki admovilisia. 3 krasavika milicyja vyniesła Fiadyniču pieršuju vymovu za parušeńnie režymu adbyvańnia «chatniaj chimii».
25 krasavika namieśnik načalnika ŭpraŭleńnia milicyi Centralnaha rajonu Miensku pałkoŭnik Alaksandar Basaŭ razhladaŭ pratakoł ab źjaŭleńni Fiadyniča ŭ niećviarozym stanie ŭ hramadzkim miescy.
«Paśla majho apytańnia, prahladu videa i vystupleńnia advakata pałkoŭnik niečakana spytaŭ: što prapanuje abaronca? Maja advakat zajaviła, što nia ŭhledzieła ŭ maich dziejańniach elementaŭ administracyjnaha pravaparušeńnia. Spadar Basaŭ ź joj pahadziŭsia i spyniŭ administracyjny pieraśled u suviazi z adsutnaściu składu pravaparušeńnia», — skazaŭ Svabodzie Hienadź Fiadynič.
Vymova Fiadyniču zastajecca ŭ sile. A voś hrašovaha štrafu jon paźbieh.
Paśla troch vymovaŭ «chatniuju chimiju» mohuć zamianić na bolš žorstkija ŭmovy adbyćcia pakarańnia.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju1
Kamientary