Bolš za 70% ukraincaŭ padtrymlivajuć rospusk Viarchoŭnaj Rady i praviadzieńnie daterminovych parłamienckich vybaraŭ. Pra heta śviedčać dadzienyja manitorynhu elektaralnych nastrojaŭ, apublikavanyja na sajcie sacyjałahičnaj hrupy «Rejtynh».
Kala 58% ukraincaŭ zajavili, što addaduć pieravahu novym palityčnym siłam, 26% majuć namier hałasavać za ŭžo pradstaŭlenyja ŭ parłamiencie.
Najbolšuju padtrymku atrymała partyja novaha prezidenta Ukrainy Uładzimira Zialenski «Słuha naroda», jakaja pakul nie maje svajoj frakcyi ŭ Radzie - za jaje majuć namier prahałasavać 43,8%
Palityčnaja siła lidziruje va ŭsich rehijonach krainy. Akramia taho, za jaje hatovyja addać hałasy jašče kala 11% vybarščykaŭ, čyj favaryt nie stanie ŭdzielničać u vybarach.
Druhoje miesca pa papularnaści ŭ hramadzian zajmaje «Apazicyjnaja płatforma — Za žyćcio», palitsavietam jakoj kiruje prarasijski palityk Viktar Miedviadčuk. Jana atrymała 10,5% hałasoŭ. Treciaje miesca ŭ palityčnaj siły Julii Cimašenki «Baćkaŭščyna» (7,3 pracenta).
Lidaram antyrejtynha stała partyja byłoha prezidenta «Błok Piatra Parašenki «Salidarnaść». Amal 52 pracenty respandentaŭ nie prahałasujuć za jaje ni pry jakich abstavinach. Padtrymać palityčnuju siłu hatovyja tolki 8,8 pracenta hramadzian, a taksama 3,1 pracenty ŭkraincaŭ, jakija simpatyzujuć inšym partyjam.
-
Deputata Jeŭraparłamienta, jaki rasśledavaŭ złoŭžyvańni Pegasus, samoha ŭzłamali hetaj špijonskaj prahramaj
-
Rasijanku, jakaja zrabiła ŭ bary «kaljan na kuličy», usio ž nie buduć adpraŭlać u kałoniju
-
Vatykan adłučyŭ ad carkvy Bractva śviatoha Pija X. Raskolniki majuć kaplicu ŭ Minsku, dzie ŭsio pa-rusku — što ciapier čakaje hetych viernikaŭ
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej12
Kamientary