Kiroŭny Litoŭski sajuz sialan i zialonych («sialanie») zaklikaje hałasavać u druhim tury prezidenckich vybaraŭ za ekanamista, niezaležnaha kandydata Hitanasa Naŭsiedu, vyrašyła praŭleńnie partyi, piša Delfi.
«My zaklikajem hałasavać za Hitanasa Naŭsiedu. U advarotnym vypadku, kali aktyŭnaść budzie maleńkaj, i ludzi buduć psavać biuleteni, nie buduć hałasavać za nivodnaha kandydata, pieramoža (vyłučanaja Sajuzam ajčyny — Chryścijanskimi demakratami Litvy) Inhryda Šymanicie, što, na našu dumku, budzie drenna dla Litvy», — zajaviŭ u čaćvier paśla pasiadžeńnia praŭleńnia partyi staršynia ŁSKZ Ramunas Karbaŭskis.
Kandydat «sialan» premjer Saŭlus Skviarnialis u pieršym tury apynuŭsia trecim i adpaviedna nie prajšoŭ u druhi tur. U pieršym tury vybaraŭ za Šymanicie prahałasavali 31,31% vybarščykaŭ, a za niezaležnaha kandydata Naŭsiedu — 30,94%.
Druhi tur prezidenckich vybaraŭ adbudziecca ŭ niadzielu.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki23
Kamientary