Da inviestaraŭ, jakija zryvajuć svaje abaviazacielstvy, nieabchodna ŭžyvać žorstkija sankcyi. Hetaha zapatrabavaŭ siońnia Alaksandr Łukašenka ŭ čas aznajamleńnia z dobraŭparadkavańniem i raźvićciom terytoryj, prylehłych da kalcavoj aŭtadarohi vakoł Minska, piša BiełTA
«Chaču papiaredzić: kali ź inviestaram damovilisia, jon pavinien vykonvać svaje abaviazacielstvy. Kali nie — pavinny prytrymlivacca žorstkija sankcyi. A to ŭ nas tak: kali nie atrymałasia, davajcie pojdziem da prezidenta — pieraprafilujem. Chopić zajmacca hetym pieraprafilavańniem. Nie zrabiŭ - budź dobry nieści adkaznaść», — skazaŭ Alaksandr Łukašenka.
Jon padkreśliŭ, što terminy budaŭnictva i vonkavaha dobraŭparadkavańnia abjektaŭ ni ŭ jakim razie nie pavinny pieravyšać troch hadoŭ. «Heta tyčycca i damoŭ, i inšych abjektaŭ, jakija budujem. Što heta za sprava: vioska jak vioska, vulica jak vulica — nie, niejki inviestar uziaŭ ziamlu i raźvioŭ budoŭlu na piać-siem hadoŭ. Mašyny tudy jeduć — pył, brud. Heta nienarmalna. Kali ty chočaš pabudavać dom abo niejki abjekt — kali łaska, voś tabie ŭčastak, ty padrychtujsia dla taho, kab možna było budavać (pierš za ŭsio finansava), i maksimum za try hady pabuduj abjekt, zrabi dobraŭparadkavańnie. Unutry možaš navat nie rabić — heta tvaja sprava. Hałoŭnaje, kab vonkava było narmalna, dobraŭparadkavana i ludziam nie pieraškadžała», — źviarnuŭ uvahu Alaksandr Łukašenka.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary