Na nastupnym tydni ŭ Centralnym rajonie Minska pačnuć masava demantavać kandycyjaniery i spadarožnikavyja anteny z fasadaŭ budynkaŭ, što znachodziacca na centralnych vulicach i płoščach, paviedamiŭ karespandentu ahienctva «Minsk-Naviny» namieśnik staršyni Minharvykankama Alaksandr Darachovič.
Jon udakładniŭ, što havorka idzie pra abstalavańnie, jakoje raźmieščana niezakonna. Heta iržavyja prybory, jakija psujuć horad, a taksama tyja, jakija ŭstanoŭleny na fasadach budynkaŭ centralnych vulic, dzie heta niedapuščalna.
Pra toje, što raźmiaščeńnie kandycyjanieraŭ i spadarožnikavych anten na fasadach uparadkujuć, haradskija ŭłady kazali jašče ŭ pačatku viasny. Hetuju pracu vyrašyli ŭzmacnić, kab horad staŭ pryhažejšym.
— My ŭdakładnili śpis vulic, dzie zabaroniena ŭstaloŭvać kandycyjaniery na fasadach. Jaho možna znajści na sajcie administracyi rajona. U asnoŭnym heta centralnaja častka horada, damy, jakija adnosiacca da historyka-kulturnych kaštoŭnaściaŭ. Z pačatku viasny ŭ rajonie ŭžo demantavana bolš za 100 kandycyjanieraŭ. Z uładalnikami hetaha abstalavańnia pravodzilisia hutarki, u vyniku kala 100 adzinak jany prybrali samastojna. Ludziam prapanoŭvali alternatyvu, naprykład, pieranieści kandycyjaniery na dach ci ŭ pryjamki (słychavyja vokny ŭ padvały, dzie kandycyjaniery buduć nie bačnyja). Ale ŭsie damy roznyja, adzinaha rašeńnia dla ŭsich nie isnuje, tamu pastaralisia padyści da kožnaha vypadku indyvidualna. Jurydyčnym asobam raspaviadali pra mahčymaść zadekaravać kandycyjaniery, prapanoŭvali architekturnyja rašeńni, naprykład, na pr. Pieramožcaŭ, — raspavioŭ namieśnik kiraŭnika administracyi Centralnaha rajona Vadzim Pieradnia.
Jon dadaŭ, što na nastupnym tydni abstalavańnie pačnuć demantavać u tych ułaśnikaŭ, jakija nie prybrali ci nie pryviali jaho ŭ paradak samastojna. Zatym im vystaviać rachunak za hetyja raboty. Ale pryvieści svaje kandycyjaniery i spadarožnikavyja talerki ŭ adpaviednaść z zakanadaŭstvam ludzi mohuć i samastojna, nie čakajučy, kali za ich heta zrobiać rabotniki žyllovych arhanizacyj.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary