Pamiežniki padličyli, kolki zamiežnikaŭ u Biełaruś pryjechali pa biaźvizie na Jeŭrapiejskija hulni
U Dziaržaŭnym pamiežnym kamitecie Radyjo Svaboda nazvali ličbu zamiežnych hramadzian, jakija skarystalisia mahčymaściu bieź vizy naviedać Biełaruś u suviazi ź Jeŭrapiejskimi hulniami.
«Z 20 maja bolš za 12 tysiač zamiežnych hramadzian byli prapuščanyja ŭ biaźvizavym paradku pavodle akredytacyi i biletaŭ na 2-ja Jeŭrapiejskija hulni. Dakładnaj ličby niama pierad vačyma, ja zaraz u słužbovaj kamandziroŭcy, ale pamiataju, što niedzie kala 12 200. Źviestki ja ŭdakładniaŭ siońnia ranicaj», — skazaŭ Radyjo Svaboda aficyjny pradstaŭnik Dziaržaŭnaha Pamiežnaha kamiteta Anton Byčkoŭski.
U hety lik uvachodziać 4 tysiačy spartoŭcaŭ, a taksama spartovyja funkcyjaniery z 50 krain, jakija biaruć udzieł u Jeŭrapiejskich hulniach.
Pavodle Antona Byčkoŭskaha, častka inšaziemcaŭ mahła prylacieć na Jeŭrapiejskija hulni biez kvitkoŭ prosta ŭ Nacyjanalny aeraport «Miensk» i ŭžo tut nabyć kvitki na hulni.
Pavodle Antona Byčkoŭskaha, siarod inšaziemcaŭ, jakija pryjechali ŭ Biełaruś u suviazi z hulniami praz pamiežnyja punkty propusku, najbolš turystaŭ z Polščy, Niamieččyny, Litvy, Łatvii.
«Naziemnyja punkty propusku karystajucca bolšaj papularnaściu siarod hledačoŭ, a ŭdzielniki hulniaŭ i arhanizatary, zrazumieła, pryjaždžali ŭ asnoŭnym praz aeraport», — skazaŭ Anton Byčkoŭski.
Kolki turystaŭ z Rasii za hety čas pryjechali ŭ Biełaruś, Anton Byčkoŭski skazać nia zmoh, bo hetyja turysty biełaruskimi pamiežnikami nie ŭličvalisia.
Ułady prahnazavali, što Biełaruś padčas Jeŭrapiejskich hulniaŭ naviedaje kala 30 tysiač zamiežnych zaŭziataraŭ.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami24
Kamientary