Prezident Ukrainy Uładzimir Zialenski ŭ čas razmovy ŭ Kryvym Rozie z maci ŭkrainskich marakoŭ, jakija byli zatrymanyja ŭ Kierčanskim pralivie, raspavioŭ, što padčas pieršaj telefonnaj razmovy z rasijskim kaleham Uładzimiram Pucinym zakranuŭ pytańnie ab viartańni marakoŭ va Ukrainu.
Zaraz ułady respubliki, ukazaŭ kiraŭnik dziaržavy, hruntoŭna «viaduć» hetuju situacyju, kab zabrać usich chłopcaŭ». «Nas cikavić nie tolki minski praces, nie tolki narmandski praces i hetak dalej», — zapeŭniŭ Zialenski, dadaŭšy, što, kali jon i dalej budzie abmiarkoŭvać hetaje pytańnie z Maskvoj, u jaho «karona z hałavy nie spadzie». «Žyćci chłopcaŭ našych — samaje hałoŭnaje», - dadaŭ prezident.
U čaćvier, nahadaŭ Zialenski, jon upieršyniu pahavaryŭ z prezidentam Rasii Uładzimiram Pucinym. «Majo hałoŭnaje było pytańnie - viarnuć usich našych chłopcaŭ, ci hatovyja jany (rasijski bok) addać ich», - raspavioŭ kiraŭnik dziaržavy, adznačyŭšy, što patrabavaŭ, kab usie byli viernutyja.
Kamientary