Rasija adnaŭlaje pantonna-mastavyja pałki, rasfarmiravanyja za Harbačovym
Pantonna-mastavyja pałki i asobnyja ramontna-adnaŭlenčyja bataljony znoŭ źjaviacca ŭ składzie Uzbrojenych sił RF, paviedamiŭ kamandujučy 2-j hvardziejskaj ahulnavajskovaj armijaj hienierał-major Andrej Kałatoŭkin u intervju haziecie «Krasnaja źviezda».
«Sioleta ŭ vojsku sfarmavany ŭłasny ramontny bataljon. U bajavoj abstanoŭcy vielmi važna mieć pad rukoj padraździaleńnie, zdolnaje, da prykładu, chutka ŭvieści ŭ stroj tank, jaki straciŭ na minie husienicu», - raspavioŭ jon.
Niadaŭna ŭ armii źjaviŭsia svoj inžynierny połk. Jaho abstalavali pantonnym parkam PP-91 novaha ŭzoru, jaki dazvalaje za hadzinu razharnuć 250-mietrovy most praz raku.
Bolšaść pantonna-mastavych złučeńniaŭ rasfarmavali jašče ŭ 1989 hodzie pry Michaile Harbačovie, a ramontna-adnaŭlenčyja bataljony - u 2008 hodzie, pa rašeńni byłoha ministra abarony Anatola Sierdziukova.
Jak adznačyŭ hałoŭny redaktar časopisa «Arsienał Otčizny» Viktar Murachoŭski, rašeńni rasfarmavać ramontna-adnaŭlenčyja bataljony i pantonna-mastavyja złučeńni dyktavalisia «kankretnaj palityčnaj abstanoŭkaj».
U hutarcy z RIA Naviny ekśpiert vykazaŭ nadzieju, što ŭ pierśpiektyvie mohuć adnavić taksama inšyja častki i padraździaleńni, jakija raniej uvachodzili ŭ «vajskovyja kamplekty». «Pierš za ŭsio, ja maju na ŭvazie desantna-šturmavyja bataljony i asobnyja viertalotnyja pałki», - patłumačyŭ surazmoŭca ahienctva.
Kamientary