U kožnaha čaćviortaha biełarusa, starejšaha za 16 hadoŭ, — zališniaja vaha
U 25,2% biełarusaŭ, starejšych za 16 hadoŭ, - zališniaja vaha. Čaściej za ŭsio na jaje pakutujuć žychary vioski, paviedamlaje TUT.BY sa spasyłkaj na śviežy zbornik Biełstata «Sacyjalnaje stanovišča i ŭzrovień žyćcia nasielnictva Respubliki Biełaruś».
Pavodle statystyki, u kožnaha čaćviortaha darosłaha biełarusa jość zališniaja vaha. U sielskaj miascovaści jana ŭ 30% žycharoŭ, starejšych za 16 hadoŭ, u haradach - u 23,4%. U asnoŭnym ad zališniaj vahi pakutujuć ludzi paśla 40 hadoŭ. Va ŭzrostavaj hrupie ad 40 da 49 hadoŭ takich 23,7%, ad 50 da 59 hadoŭ - 36,7%, ad 60 hadoŭ i starejšych - 37,2%.
Bolš za ŭsio ludziej z zališniaj vahoj u Minskaj vobłaści. Ich tut 28%. Mienš za ŭsio ŭ Minsku - 19,8%.
Pry hetym ciapier fizkulturaj i sportam zajmajecca 26,5% biełarusaŭ, starejšych za 16 hadoŭ. Heta mienš, čym u 2018 hodzie. Tady takich prychilnikaŭ aktyŭnaha ładu žyćcia było 27,3%.
Bolš za ŭsio prychilnikaŭ fizkultury siarod uzrostavaj hrupy ad 16 da 29 hadoŭ. Ich 47%. Pry hetym sportam zajmajucca 30,1% haradžan i 16,7% sielskich žycharoŭ.
Bolš za ŭsio tych, chto zajmajecca fizkulturaj, u Minsku - 43,7%, a najmienš - u Minskaj vobłaści - 19,7%.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary