Šarkunova, Barabanščykava, Smołava… Što stała z pop-śpiavačkami 2000-ch? VIDEA
Ci pamiatajecie vy, što ŭ dalokim 2005 hodzie Ministerstva infarmacyi pryniało pastanovu pra 75% biełaruskaj muzyki ŭ efiry radyjostancyj?
I tady zaźziali na biełaruskim estradnym niebaschile zorki i Viery Karetnikavaj, i Hanny Šarkunovaj, i Karyjany…
Kaniečnie, mnohija adrazu skažuć: «Chto hetyja ludzi?» Ale nie palanujciesia zirnuć videa. Upeŭnienyja, vy ŭsklikniecie: «Ja heta pamiataju!»
Hanna Šarkunova
Pryhožuju błandzinku pamiatajuć mnohija. A kali paprasić uzhadać pieśni hetaj pryhažuni? Nie mučajciesia, voś klip na pieśniu «Apošni list». Ciažka pavieryć, ale klip źniaty 11 (!) hadoŭ tamu. Siońnia Hanna pa-raniejšamu zapisvaje pieśni, zdymaje klipy. Jość u jaje repiertuary i pieśni na biełaruskaj movie.
Corriana abo Kacia Kačyna
Niechta zapomniŭ jaje jak dziaŭčynku, jakaja śpiavała pieśni pra Kitaj (badaj, samaja viadomaja jaje pieśnia «Šanchaj-hudbaj». A dla kahości — jana ŭdzielnica rasijskaha teleprajekta «Narodny artyst». Zaraz Kaciaryna nosić proźvišča muža — Łanhier. I ščaśliva žyvie ŭ Hiermanii. Na prastorach internetu, jak akazałasia, klipaŭ Karyjany nie znojdzieš, ale jość voś heta samarobnaje videa. Nu što, uspomnili hołas śpiavački?
Alena Hryšanava
Jašče adna biełaruskaja śpiavačka, jakaja karjeru nie kinuła i praciahvaje zapisvać novyja pieśni, davać intervju. Dzieviać hadoŭ tamu na ekrany vyjšaŭ klip Hryšanavaj «Lubov́ nie ubivajut». Niaŭžo nie pamiatajecie heta videa, dzie Hryšanava ihraje ciažka chvoruju na luboŭ žančynu? Nie vierym.
I jašče adna błandzinka — Viera Karetnikava
I jašče adna ŭdzielnica «Narodnaha artysta». Ciapier Viera vychoŭvaje syna Dabryniu, viadzie pieradaču «Dobraj ranicy, Biełaruś» na BT. Supracoŭničaje z vałanciorami, dapamahaje ratavać badziažnych žyvioł. Nie viedajem, ci pryhadajecie vy Vieryny pieśni, ale voś vam adna, 2009 hoda.
Volha Barabanščykava
Samaj aktyŭnaj ratavalnicaj žyvioł u biełaruskim šou-biznesie možna nazvać Volhu Barabanščykavu. Čym jana žyvie zaraz, «Naša Nina» pisała nie tak daŭno. Ale ci pamiatajecie vy pieśniu hetaj śpiavački?
Palinu Smołavu vy pamiatajecie dakładna
Heta jana pradstaŭlała Biełaruś na Jeŭrabačańni ŭ 2006 hodzie ŭ karotkich šorcikach. I zaniała 22-je miesca ŭ paŭfinale. Paśla źjechała ŭ Maskvu, vyjšła zamuž, naradziła dvaich dziaciej. Ciapier na publicy źjaŭlajecca nie tak časta, ale pieśni praciahvaje zapisvać. Uzhadajcie jaje pieśniu 2006 hoda.
Kali vas paprosiać nazvać samy papularny biełaruski žanočy hurt, jaki vy ŭspomnicie?
Dumajem, nie ŭ apošniuju čarhu pryhadajecca «Toples». Tak? Hurt, u jakim pamianiałasia bolš za 10 składaŭ. Ale samy zorny, kaniečnie ž, byŭ z Anastasijaj Kasiankovaj, pieršaj žonkaj futbalista Alaksandra Hleba, i Volhaj Vajniłovič, žonkaj šoumena Vadzima Hałyhina. Nu i ich pieśnia: «Piery-piery-piery-pieryfieryja» nie hučała, chiba, tolki z prasaŭ.
A kaho ź biełaruskich zorak siaredziny 2000-ch zhadvajecie vy?
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary