U Hrodnie smarkač na «Miersiedesie» dvojčy padrezaŭ i spyniŭ aŭtobus VIDEA
U Hrodnie na vulicy Budzionaha kiroŭca Mercedes padrezaŭ haradski rejsavy aŭtobus i całkam spyniŭsia. Padyšoŭšy da kiroŭcy hramadskaha transpartu, mužčyna z Mercedes zajaviŭ: maŭlaŭ, mašyna złamałasia. Kanflikt pačaŭsia jašče na vulicy Karła Marksa, kala Hałoŭpaštamta. Kiroŭca aŭtobusa dasłaŭ u redakcyju autogrodno.by videa.
Na zapisie bačna, što kala źjezdu na vulicu Budzionaha kiroŭca Mercedes sprabuje ŭklinicca druhim šeraham. U hetym miescy takoje zdarajecca: pałasa dla pavarotu naprava časta zapaŭniajecca hramadskim transpartam i kiroŭcy lehkavikoŭ sprabujuć abjechać zator.
Tak ci inakš, Mercedes nie zmoh stać pierad aŭtobusam — razhareŭsia kanflikt.
— Kiroŭca Mercedes padrezaŭ aŭtobus dvojčy, — napisaŭ aŭtar videa. — U aŭtobusie byŭ poŭny sałon pasažyraŭ. A što adbyvałasia, na videa ŭsio bačna i zrazumieła.
Pakolki situacyja viadomaja tolki z adnaho boku, uźnikaje pytańnie: što takoha mahło adbycca pamiž kiroŭcami, kab vyklikać nastolki ahresiŭnyja pavodziny? Nie vyklučana, što nie apošniuju rolu adyhrali «mocnyja słoŭcy», skazanyja ŭ bok kiroŭcy Mercerdes.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary