Vice-mer Słonima Taresa Juškievič pra skandalnaje hrafici: Bolšaść słonimcaŭ vykazałasia za ruskuju movu
Karespandent «NN» źviazaŭsia z namieśnicaj staršyni Słonimskaha rajvykankama Taresaj Juškievič. Ruskamoŭnaje hrafici da Dnia biełaruskaha piśmienstva — śfiera jaje adkaznaści.
Taresa Juškievič. fota «Haziety Słonimskaj»
U pačatku vieraśnia ŭ Słonimie projdzie Dzień biełaruskaha piśmienstva. Da hetaha śviata ŭ centry horada namalavali vielizarnaje hrafici — teatr Michała Kazimira Ahinskaha. Nadpis na im zrabili pa-rusku, ale ludzi aburylisia: Dzień biełaruskaha piśmienstva, dyk pryčym tut ruskaja mova?
Novy vice-mer Słonima pakinie skandalnaje hrafici pa-rusku: «Dziela zachavańnia nacyjanalna-moŭnaj zhody ŭ hramadstvie»
«Pa-pieršaje, heta hrafici rychtavałasia nie da Dnia piśmienstva, a ŭ miežach dobraŭparadkavańnia horada», — pačała Juškievič.
Čynoŭnica patłumačyła, što pytańnie vyklikała sprečki siarod haradžan: razam sa zvarotami ŭ vykankam ab tym, kab źmianić nadpis na biełaruskuju movu, pryjšło šmat piśmovych zvarotaŭ ab tym, kab pakinuć usie jak jość.
«Ludzi pieraličvali roznyja fakty na karyść taho, kab pakinuć hrafici pa-rusku, adzin ź ich: u nas dvuchmoŭje, tamu taki nadpis moža być. My praviali apytanku ŭ sacsietkach. Bolšaść słonimcaŭ vykazalisia za ruskuju movu.
Piśmovyja zvaroty ŭ nas zachoŭvajucca ŭ adździele ideałohii. Ich možna pabačyć.
Hrafici ž pa-biełarusku źjavicca na budynku našaha centra kultury», — adkazała Taresa Juškievič.
***
Teresa Juškievič naradziłasia ŭ vioscy Charužava Vaŭkavyskaha rajona. Skončyła Brescki dziaržaŭny piedahahičny instytut. Pracavała nastaŭnicaj pačatkovych kłasaŭ u słonimskaj škole №6, paśla namieśnikam dyrektara škoły pa vučebnaj rabocie. U 1995 hodzie pieraviedziena mietadystam u adździeł adukacyi rajvykankama. Tut ža pracavała hałoŭnym śpiecyjalistam. Z 2012 hoda ŭznačaliła ŭpraŭleńnie adukacyi Słonimskaha rajvykankama i źjaŭlałasia jaho kiraŭnikom da sioletniaha pryznačeńnia.
Ciapier čytajuć
Na Alaksandru Hierasimieniu napali ŭ centry Varšavy21
Kamientary