Pahadnieńnie padpisana 4 lutaha ŭ Maskvie pa vynikach pazačarhovaj siesii Savieta kalektyŭnaj biaśpieki ADKB. Pra heta paviedamiŭ prezident Armienii Sierž Sarhsian.
Pahadnieńnie ab stvareńni kalektyŭnych sił apieratyŭnaha reahavańnia Arhanizacyi Dahavora ab kalektyŭnaj biaśpiecy padpisana 4 lutaha ŭ Maskvie pa vynikach pazačarhovaj siesii Savieta kalektyŭnaj biaśpieki ADKB. Pra heta paviedamiŭ prezident Armienii Sierž Sarhsian.
Pavodle infarmacyi RIA Novosti, hetyja siły buduć vykarystoŭvacca dla adbićcia vajennaj ahresii, praviadzieńnia śpiecyjalnych apieracyj pa baraćbie ź mižnarodnym teraryzmam i ekstremizmam, transnacyjanalnaj arhanizavanaj złačynnaściu, narkatrafikam, a taksama dla likvidacyi nastupstvaŭ nadzvyčajnych situacyj.
Siońnia sistema kalektyŭnaj biaśpieki budujecca pa rehijanalnym pryncypie. Isnujuć try rehijanalnyja vajskovyja hrupoŭki, ale ŭsie jany nie kalektyŭnyja: rasijska‑biełaruskaja (uschodniejeŭrapiejskaja), rasijska‑armianskaja (kaŭkazskaja) i centralnaazijackaja, dzie pakul stvorany tolki abmiežavanyja pa składzie kalektyŭnyja siły chutkaha reahavańnia.
«Mienavita hetyja siły (centralnaazijackaja hrupoŭka) razhladajucca ŭ jakaści asnovy budučaj abjadnanaj hrupoŭki sił. Ciapier my zaviaršajem raspracoŭku prajekta adpaviednaha pahadnieńnia», — skazaŭ napiaredadni samita pamočnik prezidenta RF Siarhiej Prychodźka.
Płanujecca, što kalektyŭnyja siły buduć dysłakavanyja na pastajannaj asnovie ŭ Rasii, i im buduć nadavacca vajennyja padraździaleńni krain ADKB. Va ŭsich sił budzie ahulnaje kamandavańnie.U isnujučych ciapier sił ADKB niama pastajannaha miesca dysłakacyi.
U jakaści mahčymaha varyjanta razhladajecca, što asnovaj sił buduć rasijskija 98‑ia hvardziejskaja pavietrana‑desantnaja dyvizija i 31‑ia desantnaja šturmavaja bryhada VDV.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali3
Kamientary