Z 1 kastryčnika prajekt Cinemascope, u ramkach jakoha ładzilisia pakazy art-chaŭsu, spyniaje svaju pracu ŭ małoj zale minskaha kinateatra «Rakieta».
«Na žal, naša bačańnie taho, jak pavinna budavacca repiertuarnaja palityka dadzienaj placoŭki, nie supadaje z płanam raźvićcia kinateatra, jaki majecca ŭ kiraŭnictva «Kinavideaprakata», — paviedamili arhanizatary prajekta.
Art-dyrektarka Cinemascope Volha Nadolskaja raskazała, što im prapanavali ŭmovy, jakija ich nie zadavolili:
«Tydni dva tamu nas vyklikali i skazali, što z kastryčnika zała budzie pracavać u novym farmacie. Nam prapanavali padzialić čas u małoj zale: try dni na tydzień pakinuć nam, a astatnija filmy budzie adbirać «Kinavideaprakat».
Pryčyna prostaja: kinateatru treba zarablać. Siaredniaja napaŭnialnaść zały (jana raźličana na 45 miescaŭ) na pakazach aŭtarskaha kino była 60%.
U małoj zale «Rakiety» prajekt pracavaŭ z 2013 hoda. Repiertuar całkam vyznačali aŭtary prajekta. Pa ich słovach, były hiendyrektar «Kinavideaprakata» Vasil Koktyš «razumieŭ, što dzieści ŭ Minsku pavinna być chaj nievialikaja, ale adkrytaja prastora dla aŭtarskaha kino, kultury i aśviety, dzie vynik niemahčyma vymierać pamieram prybytku i kolkaściu hledačoŭ».
Ci pierajedzie Cinemascope ŭ inšy kinateatr, pakul nie vyrašana.
U «Kinavideaprakacie» kamientavać situacyju nie zachacieli.
-
U Biełarusi nijak nie mohuć pakazać suśvietny chit — daviałosia viartać hrošy za kvitki
-
U rasijskaj franšyzie pra chałopaŭ vyjšaŭ novy film — jaho hladziać i ŭ Biełarusi
-
Šalona papularny karejski sieryjał ad Netflix pra školny bulinh — chto ździekavaŭsia z adnakłaśnikaŭ, pavinien prajści praz takoje ž prynižeńnie
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ40
Kamientary