Paźniak: Ni ŭ jakim razie nielha iści ŭ Jeŭraźviaz. Heta absalutna hniłaja cyvilizacyja
Pra heta lidar Kansiervatyŭna-chryścijanskaj partyi BNF zajaviŭ u prahramie Kaciaryny Markoŭskaj «Morkva» na Radyjo Svaboda.
«Žyćcio za miažoj [Zianon Paźniak emihravaŭ uviesnu 1996 hoda i z taho času nie viartajecca ŭ Biełaruś — NN] dało mnie mahčymaść pahladzieć na Zachad zblizku. Bo zdalok — heta zdalok», — kaža jon.
«Kali koratka kazać, to dla nas, dla biełarusaŭ, treba dalej trymacca ad Rasii. I ŭ nijakim razie nie iści ŭ Jeŭraźviaz, tamu što tam fizičnaja śmierć, a tut jašče horšaja, heta absalutna hniłaja cyvilizacyja. Jana nie maje budučyni heta cyvilizacyja. Nie maje budučyni hety Jeŭraźviaz. Heta pytańnie, jakoje možna raskłaści pa połačkach: čamu, jak i što. Heta dało mnie mahčymaść pabačyć zblizku. Bo toje, što zdaloku, toje zdaloku», — padkreślivaje jon.
«Ale ŭ pačatku 1990-ch adnym z łozunhaŭ BNF było: «BNF — heta viartańnie ŭ Jeŭropu». Ciapier hetyja łozunhi — jany nie aktualnyja?» — pytajecca žurnalistka.
«Palityčnyja łozunhi vystaŭlajucca tady, kali ŭ ich jość patreba, kali jany adyhryvajuć peŭnuju rolu, — adkazvaje Zianon Paźniak. — Dyk voś tady, kali namienkłatura chacieła zahnać Biełaruś u Rasieju, kali chacieli abjadnać hrašovyja sistemy, voś tady vielmi važna było vystavić alternatyvu».
«Bo alternatyva, što tolki my, nie syhrała. Byŭ nievysoki ŭzrovień śviedamaści. Ludzi nie vieryli ŭ siabie. Nu chto takija my. A Zachad — tak. Tam bahatyja ludzi, tam dalary, tak dumaŭ abyvaciel. A čałaviek bolš adukavany bačyć, što tam svaboda. A jana sapraŭdy tut jość. Tamu łozunh i byŭ taki: «Biełaruś u Jeŭropu». Kab była alternatyva, kab była alternatyva», — miarkuje lidar apazicyi ŭ 1990-ch.
«A ciapier hetaj alternatyvy niama, bo ludzi ŭ balšyni, asabliva vierchnija słai hramadstva razabralisia, što takoje Rasija», — padkreślivaje Zianon Paźniak
Na dumku palityka, va ŭmovach, kali niščycca mova, nacyja, palacca padručniki, łozunh pavinien być «Biełaruś pieradusim». «Kali budzie Biełaruś, budzie usio. Nie budzie Biełarusi, nie budzie ničoha: ni demakratyi, ničoha nie budzie»
Zianon Paźniak pryvioŭ paraleli z ZŠA, kali ŭ kancy 18 st. amierykancy zmahalisia z brytancami pad łozunham: «Amieryka dla amierykancaŭ», a ciapier ZŠA — prykład dla ŭsiaho śvietu, i nazvaŭ Trampa najlepšym prezidentam za apošnija 100 hadoŭ
«Heta vielmi dobra, što Tramp pieramoh i pravodzić hetu palityku. Pry hetym jon razumieje, što jon robić i jakaja ŭ jaho niebiaśpieka. Jon, naprykład, skazaŭ: «Sacyjalizmu ŭ Amierycy nie budzie» (…) Samaja vialikaja niebiaśpieka dla Amieryki — heta sacyjalizm. 30% Demakratyčnaj partyi — heta sandersy i hetaja publika. (…) Źmianiŭsia stan hramadstva. Šmat ludziej pryjechała z Paŭdniovaj Amieryki, a heta marksizm. Tamu jany buduć hałasavać za hetych sandersaŭ. I Tramp heta cudoŭna viedaje. Tamu jon vyrašyŭ pabudavać hetu ścianu na miažy ź Mieksikaj, kab spynić hetu nachłyń. Jany prychodziać i pałova idzie na vełfar [sacyjalnuju dapamohu — «NN»]. Amieryka — heta daskanałaja kraina, jakaja daje sacyjalnuju padtrymku ludziam. U Amierycy biedny čałaviek nie zahinie», — padkreśliŭ Paźniak.
«Jašče adzin Abama — i Amieryka stanie kamunistyčnaj», — reziumavaŭ palityk.
Ciapier čytajuć
Dron prylacieŭ u pasažyrski aŭtobus na miažy Rasii i Biełarusi13
Kamientary