Supracoŭnikam dziaržSMI prapanavali kvatery ŭ novym domie ŭ Minsku — pa 630 dalaraŭ za mietr
«Minskbud» pabuduje ŭ Čyžoŭcy dom na 132 kvatery, 50 ź jakich dastanucca rabotnikam dziaržaŭnych ŚMI, jakija majuć patrebu ŭ žytle. Cana za kvadrat — ad 1300 rubloŭ, paviedamlajecca ŭ prajektnaj dekłaracyi ŭ haziecie «Źviazda».
Dom budzie znachodzicca ŭ novym mikrarajonie Čyžoŭka-6a i budzie ŭjaŭlać saboj MAPIDaŭskuju «śviečku» na 19 pavierchaŭ (sieryja M111-90), piša tut.by.
82 kvatery ŭ im pryznačajucca dla čarhavikoŭ rajonaŭ Minska. Astatnija 50 buduć prapanavanyja supracoŭnikam dziaržaŭnych ŚMI, u tym liku Nacyjanalnaha pradstaŭnictva MTRK «Mir» u Biełarusi, jakija stajać na ŭliku dla palapšeńnia žyllovych umoŭ pa miescy pracy.
Cana «kvadrata» ahulnaj płoščy žyłych pamiaškańniaŭ z unutranym azdableńniem dla majučych patrebu składaje 1 332,15 rubla (kala 630 dalaraŭ) dla narmavanaj płoščy žyłoha pamiaškańnia. A heta pa 15 «kvadrataŭ» na kožnaha člena siamji dla čarhavikoŭ i pa 20 — dla šmatdzietnych.
Astatniaja płošča budzie ličycca ŭžo pa 1 980,00 rubla (kala 940 dalaraŭ) za kvadratny mietr.
Hruba kažučy, siamja z troch čałaviek zmoža raźličvać na 45 «kvadrataŭ» pa canie 630 dalaraŭ za mietr. A heta jakraz «adnapakajoŭka» ŭ MAPIDaŭskaj «śviečcy» M111-90.
Pačatak budaŭnictva doma — 20 listapada 2019 hoda. Mierkavany termin uvodu ŭ ekspłuatacyju - 28 lutaha 2021 hoda.
Usiaho ŭ Čyžoŭcy-6a źjavicca 8 novabudoŭlaŭ dvuch sieryj MAPIDa. Heta ŭsio budzie žyllo dla čarhavikoŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary