Zołata padaražeła da maksimalnaj adznaki za 7 hadoŭ paśla zabojstva Sulejmani. Nafta Brent pieravysiła $70 za baral
Ceny na zołata padskočyli da maksimalnaha ŭzroŭniu ŭpieršyniu za siem hadoŭ (z 2013 hoda). Pra heta paviedamlaje Interfaks.
Zołata stała kaštavać daražej na 2,3% — da $1588,13 za ŭncyju (prykładna 28 hramaŭ). Taksama pavialičyłasia cana paładyju — jana dasiahnuła rekordnych $2027,91 za ŭncyju.
Śpiecyjalisty prahnazujuć, što cana zołata moža vyraści jašče bolš, kali napružanaść pamiž Vašynhtonam i Tehieranam ŭzmocnicca.
Siońnia cana nafty Brent, pavodle źviestak finansavaj płatformy Investing.com, pieravysiła $70 za baral ŭpieršyniu z maja.
U chodzie tarhoŭ u Łondanie na 16:15 (pa Minsku) cana dasiahnuła $70,16, što na 2,08% vyšej za pakazčyk papiaredniaha dnia.
Padaražańnie zołata i nafty adbyłosia na fonie kryzisu ŭ adnosinach ZŠA i Irana paśla zabojstva kamandzira śpiecnaza Korpusa vartavych isłamskaj revalucyi Kasiema Sulejmani ŭ Bahdadzie.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary