Biełhidramiet raspavioŭ, u jakich haradach jość prablemy ź jakaściu pavietra
Pavodle Biełhidramieta, u 2019 hodzie ŭ asobnych rajonach piaci haradoŭ byli prablemy ź jakaściu pavietra. U śpisie hetych nasielenych punktaŭ — Homiel, Žłobin, Minsk, Mahiloŭ i Navapołack, piša Tut.by.
Daśledavańni pravodzili ŭ haradach, dzie žyvie bolš za sto tysiač čałaviek.
— Pa vynikach nazirańniaŭ u 2019 hodzie, jakaść pavietra aceńvajecca jak dosyć spryjalnaja, — adznačyła Alena Bahadziaž, načalnik słužby ekałahičnaj infarmacyi Biełhidramieta. — Vyklučeńnie składajuć niekatoryja rajony Homiela, Žłobina, Minska, Mahilova i Navapołacka. U asobnyja pieryjady hoda tut nazirałasia nie takoje stabilnaje ekałahičnaje stanovišča. Čaściej za ŭsio heta adbyvałasia padčas deficytu apadkaŭ i ŭ niespryjalnych mieteaŭmovach. Naprykład, kali byŭ štyl.
U pieršuju čarhu pieravyšeńnia ŭ pavietry naziralisia pa aksidach azotu.
— Za hod u Minsku było ŭsiaho šeść dzion ź pieravyšeńniem siaredniasutačnaj hranična dapuščalnaj kancentracyi, — udakładniaje surazmoŭca. — Pavieličeńnie ŭzroŭniu zabrudžvańnia atmaśfiernaha pavietra aksidami azotu nazirałasia ŭ asnoŭnym u ranišnija i viačernija hadziny. Adnoj z asnoŭnych pryčyn hetaha staŭ aŭtatranspart. Adznaču, što mienavita aŭtatranspart źjaŭlajecca dla Minska hałoŭnaj krynicaj zabrudžvańnia.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva8
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary