Prezident Estonii: Rasija mieła šaniec stać demakratyčnaj dziaržavaj, ale nadziei, na žal, nie spraŭdzilisia
Paśla raspadu SSSR mnohija estoncy spadziavalisia, što Rasija stanie svabodnaj i demakratyčnaj dziaržavaj, adnak hetyja nadziei nie spraŭdzilisia. Pra heta ŭ intervju niamieckamu vydańniu Frankfurter Allgemeine zajaviła prezident Estonii Kierści Kaljułajd, piša RBK.
«Kali Rasija pryznała niezaležnaść Estonii za časami Barysa Jelcyna, mnohija estoncy spadziavalisia, što Rasija taksama stanie svabodnaj i demakratyčnaj dziaržavaj. Na žal, usio skłałasia inakš. Ale my nie vierym, što ŭ hetym vinavaty narod Rasii. My adroźnivajem režym i prostych hramadzian», — skazała jana.
Pa słovach Kaljułajd, harantam biaśpieki Estonii zastajecca NATA i aljansu kraina daviaraje «na 100%». Choć časam hatoŭnaść NATA supraćstajać pahrozam i akazvajecca nievysokaja, «aljans pracuje», miarkuje prezident. «Ci vy viedajecie dziaržavu — člena NATA, jakaja padvierhnułasia b napadu?» — zaŭvažyła jana.
Pry hetym Rasija zastajecca pahrozaj dla susiednich krain, i NATA robić achoŭnyja miery. «Prablema zakranaje ŭsich, bo Rasija nie ŭsprymaje svoj ułasny podpis pad mižnarodnymi damovami ŭsurjoz. Uspomnicie Chielsinkski zaklučny akt ABSIE, u jakim havorycca, što kožnaja kraina maje prava na terytaryjalnuju cełasnaść. My padzialajem ahulnuju acenku krain NATA ŭ tym, što Rasija — niepradkazalnaja kraina, bo jana napała na Ukrainu i Hruziju», — skazała estonski prezident.
Kamientary