Premjer-ministr Ukrainy Alaksiej Hančaruk padaŭ u adstaŭku. Pra heta jon paviedamiŭ u piatnicu ŭ fejsbuku.
«Ja pryjšoŭ na pasadu vykonvać prezidenckuju prahramu. Jon dla mianie ŭzor sumlennaści. Adnak dla taho, kab vyklučyć jakija-niebudź sumnievy ŭ našaj pavazie i davieru prezidentu, ja napisaŭ zajavu ab adstaŭcy i nakiravaŭ jaje prezidentu… Jon čałaviek, jakomu ŭkraincy vykazvajuć biesprecedentny davier. I jon maje poŭnaje prava aceńvać efiektyŭnaść kožnaha z členaŭ svajoj kamandy», — napisaŭ jon.
Niadaŭna vybuchnuŭ skandał: u internecie raspaŭsiudziŭsia aŭdyjazapis, na jakim Hančaruk z paplečnikami abmiarkoŭvajuć, što buduć kazać prezidentu, pryčym Hančaruk zajaviŭ, što jon «prafan» u ekanomicy, a ŭ Zialenskaha «vielmi prymityŭnaje razumieńnie ekanamičnych pracesaŭ».
Hančaruk zajaviŭ, što aŭdyjozapisy byli zmanciravanyja i stvarajuć ujaŭleńnie, byccam premjer i jaho kamanda nie pavažajuć prezidenta Uładzimira Zialenskaha. Heta vyhadna šmatlikim hrupam upłyvu, jakija imknucca atrymać dostup da finansavych patokaŭ, upeŭnieny Hančaruk.
Ukrainskija ŚMI apublikavali «skandalnuju prasłuchoŭku» Kabmina
Hančaruk uznačaliŭ urad 29 žniŭnia 2019 hoda. Na toj čas jamu było 35 hadoŭ.
Alaksiej Hančaruk — doktar fiłasofii ŭ śfiery prava, skončyŭ Nacyjanalnuju akademiju dziaržaŭnaha kiravańnia pry prezidencie Ukrainy.
-
Deputata Jeŭraparłamienta, jaki rasśledavaŭ złoŭžyvańni Pegasus, samoha ŭzłamali hetaj špijonskaj prahramaj
-
Rasijanku, jakaja zrabiła ŭ bary «kaljan na kuličy», usio ž nie buduć adpraŭlać u kałoniju
-
Vatykan adłučyŭ ad carkvy Bractva śviatoha Pija X. Raskolniki majuć kaplicu ŭ Minsku, dzie ŭsio pa-rusku — što ciapier čakaje hetych viernikaŭ
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej10
Kamientary