Ministerstva enierhietyki Kazachstana prapracoŭvaje ź Biełaruśsiu pytańnie ab mahčymych pastaŭkach nafty čyhunačnym transpartam i pa sistemie trubapravodaŭ. Pra heta paviedamiŭ u aŭtorak žurnalistam pieršy vice-ministr enierhietyki Kazachstana Murat Žurabiekaŭ, piša tass.ru.
«My siońnia abmiarkoŭvajem pastaŭki čyhunačnyja, trubapravodnyja pastaŭki mohuć być [pa naftapravodzie] «Atyraŭ — Samara» i mohuć być pa sistemie «Družba», — raskazaŭ Žurabiekaŭ, adkazvajučy na pytańnie ab pieramovach ź Biełaruśsiu pa pastaŭkach nafty.
Jon adznačyŭ, što Kazachstan nie viadzie z Rasijaj pieramovaŭ ab mahčymych pastaŭkach nafty ŭ Biełaruś. «Transparciroŭka nafty praź sistemu «Družba» była inicyjatyvaj Biełarusi. My ličym, što hetaje pytańnie pavinna vyrašacca pamiž Biełaruśsiu i Rasijaj», — rastłumačyŭ Žurabiekaŭ.
Raniej pasoł Kazachstana ŭ Biełarusi Askar Biejsienbajeŭ paviedamiŭ, što Kazachstan dasiahnuŭ vusnaj damoŭlenaści z «Transnaftaj» ab tranzicie svajoj nafty ŭ Biełaruś.
U Minenierha Kazachstana ŭdakładnili, što Biełaruś bolš zacikaŭlenaja nie ŭ hatovych naftapraduktach, a ŭ syravinie dla pierapracoŭki ahulnym abjomam bolš za 3,2 młn ton u hod.
Ciapier čytajuć
Pasažyry aŭtobusa Minsk — Anapa, u jaki trapiŭ dron pad Branskam, raskazali, što adbyvałasia3
Kamientary