Sieviaryniec: Atrymlivać paśviedčańnie kandydata z ruk Jarmošynaj? Moj adkaz — nie
Lidar BCHD Pavieł Sieviaryniec patłumačyŭ u fejsbuku, navošta apazicyja pravodzić prajmieryz i abiraje adzinaha kandydata.
Jon pryvioŭ try arhumienty.
Pa-pieršaje, Sieviaryniec miarkuje, što abrańnie adzinaha lidara dapamoža naroščvańniu siły.
«Łukašenka, Rasija, Zachad majuć ryčahi i instytuty, kab upłyvać na los Biełarusi. Biełaruski narod nie maje. Apazicyja razdroblenaja, u žalu vartym stanie. Narodnaje hałasavańnie zdolnaje dać adzinstva i siłu, adčuvańnie jednaści i natchnieńnie, — piša palityk. — Siońnia Słonim prahałasavaŭ tak. Zaŭtra Maładziečna hedak. A ty čuŭ, što apazicyja skazała ŭ Homieli?»
Druhi tezis datyčyć patencyjału pratestaŭ na vypadak rasijskaj ahresii. «Pakul apazicyja — dziasiatak havaraščych hałovaŭ, kožnaja sa svajoj adzinaj praŭdaj, daje prosta ŭzajemavyklučny infarmacyjny šum. Patrebny adziny, albo prynamsi bolš hučny hołas. Kampanija daje takuju mahčymaść», — pierakonvaje jon.
Pa-treciaje, Sieviaryniec kaža pra toje, što treba «łamać sistemu falsifikacyj».
«Pieršaje patrabavańnie — adstaŭka Jarmošynaj. Masavy cisk. Atrymlivać paśviedčańnie kandydata z ruk čałavieka, jaki sfalšavaŭ usio, što mahčyma? Moj adkaz — nie», — miarkuje jon.
A nastupnym etapam, maŭlaŭ, budzie patrabavańnie niaŭdziełu Łukašenki ŭ vybarach. «Patencyjał kampanii — miljony biełarusaŭ», — pierakonvaje Sieviaryniec.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?42
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary