Jak Ukraina sama sabie streliła ŭ nahu, zabłakavaŭšy sihnał svaich telekanałaŭ na spadarožnikach
Najbujniejšyja ŭkrainskija miedyjahrupy zabłakavali sihnały svaich hałoŭnych telekanałaŭ na spadarožnikach. Ciapier, kab hladzieć ukrainskija telekanały praz spadarožnikavuju talerku, treba budzie stać abanientam aficyjnych spadarožnikavych ukrainskich apierataraŭ. Rašeńnie supieridyjockaje. Čamu?
Prablema ŭ tym, što bolšaść žycharoŭ Ukrainy (akramia Kryma i akupavanaj častki Danbasa) jano nijak nie zakranie. Ukraincy i biez spadarožnikavych talerak mohuć spakojna hladzieć svajo telebačańnie. Va Ukrainie jość takaja štuka, jakaja nazyvajecca T2 — heta 32 absalutna biaspłatnyja ličbavyja ŭkrainskija telekanały, dastupnyja na absalutnaj bolšaści terytoryi Ukrainy. Kali jość mahčymaść hladzieć biaspłatna na T2, ukraincy nie buduć kuplać padpisku na «spadarožnik».
A voś dla žycharoŭ akupavanych terytoryj Danbasa, Kryma, susiednich krain (poŭdnia Rasii, Biełarusi, Małdovy, Polščy, krain Bałtyi) «talerka» była adzinym sposabam hladzieć ukrainskaje telebačańnie.
Ukrainskija aliharchičnyja telekanały šmat krytykujuć va Ukrainie i krytykujuć ich spraviadliva: za nizkaprobnyja šou, manipulacyju hramadskaj dumkaj, za toje, što jany źjaŭlajucca instrumientam u rukach aliharchaŭ.
Ale jak by tam ni było, hetyja kanały byli hołasam Ukrainy, častkaj jaje infarmacyjnaj i kulturnaj prastory. Jany zabiaśpiečvali suviaź z akupavanymi terytoryjami i dazvalali danosić peŭnyja naratyvy da hledačoŭ z susiednich krain. Ciapier heta źniščyli.
Čuŭ takija snobskija hałasy va Ukrainie, što, maŭlaŭ, jano i dobra, što kanały hetyja aliharchičnyja stali płatnymi na «spadarožniku», ludzi «bydłaskryniu» buduć mienš hladzieć i što jość internet, YouTube, padkasty i h.d.
Ale takija naiŭnyja dumki fejsbučnaj fanaberystaj «prahresiŭnaj elity» tolki śviedčać pra słabaje razumieńnie realij i infantylizm. Ukraina sama kidaje ludziej (u tym liku svaich hramadzian na Danbasie i ŭ Krymie) u abdymki Kisialova i Skabiejevaj.
Jak kazaŭ adzin ministr susiedniaj krainy, «D….., b…..».
Kamientary