Šmatliki statak zubroŭ siońnia ranicaj vyjšaŭ u poli pamiž vioskami Bahušoŭka i Aharodniki Hrodzienskaha rajona. Žyvioł, chutčej za ŭsio, pryciahnuli sakavityja azimyja, jakimi jany vyrašyli pałasavacca. Statak u bolš čym 50 hałoŭ — heta zubry Aziorskaj mikrapapulacyi. Žyvioł pačali razhadoŭvać u 1998 hodzie ŭ SVK «Aziory Hrodzienskaha rajona», i siońnia ich naličvajecca bolš za trysta asobin, paviedamlaje rgazeta.by.
Zubroŭ stanovicca ŭsio bolš z kožnym hodam, tamu nie dziŭna, što žyvioły ŭsio čaściej stali vychodzić ź lesu i traplać u abjektyvy kamier. Miascovyja žychary, praŭda, kažuć, što takoha šmatlikaha statka jašče bačyć nie davodziłasia.
— Ja tut žyvu ŭžo hadoŭ 30, ale pry mnie ŭ pieršy raz takaja kolkaść zubroŭ. Zvyčajna prabiahajuć adzin-dva, i to tak, mimalotam. Čaściej, viadoma, łasioŭ nazirajem, čym zubroŭ. Samim dziŭna na taki statak pahladzieć! — raspavioŭ žychar vioski Aharodniki Juryj.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary