Nie ŭklučyli «Sivuju noč». Mužčyna pakryŭdziŭsia na viadučych sielskaj dyskateki — i pryjšoŭ u kłub sa strelbaj
U Davyd-Haradku pjany mužčyna pakryŭdziŭsia na viadučych sielskaj dyskateki — i pryjšoŭ u kłub sa strelbaj, paviedamlaje MUS.
U miascovym domie kultury pjany naviedvalnik paprasiŭ zahadčyka kłubam, jaki stajaŭ za pultam, uklučyć viadomuju kampazicyju «Sivaja noč». Prośbu naviedvalnika zadavolili, pryčym nie adnojčy. Adnak čarhovaje pažadańnie adnaviaskoŭca stancavać pad lubimy chit było praihnaravana, jamu paprostu paraili pakinuć dom kultury.
U vyniku pakryŭdžany mužčyna pajšoŭ. Praŭda, nieŭzabavie viarnuŭsia z palaŭničaj strelbaj u rukach i pačaŭ pahražać zahadčyku. Paźbiehnuć mahčymaj trahiedyi ŭdałosia dziakujučy synu apošniaha: chłopiec schapiŭsia za dubaltoŭku i advioŭ jaje ŭ bok. Paźniej u padazravanaha zbroju adabrali i vyklikali milicyjanieraŭ.
Zaraz viaskoviec znachodzicca ŭ izalatary. Śledčyja raspačali kryminalnuju spravu pa fakcie chulihanstva z pahrozaj prymianieńnia zbroi.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary