Pra heta eks-deputat napisała ŭ svaim fejsbuku.
«Intryha skančajecca. Ja pryniała rašeńnie — idu na prajmieryz», — napisała Hanna Kanapackaja.
Taksama były deputat apublikavała ŭ svaim fejsbuku «Asnoŭnyja tezisy prahramy ŭdzielnika prajmieryz pa vyłučeńni adzinaha kandydata» i prosić prysyłać zaŭvahi.
«Siońnia pierad krainaj dva šlachi. Adzin — šlach da vymirańnia i dehradacyi, samaizalacyi i atačeńnia siabie kołam vorahaŭ. Druhi — šlach adzinstva i zhody, raźvićcia i prahresu, daroha ŭ siamju jeŭrapiejskich narodaŭ. Nam nieabchodna spynić imklivaje padzieńnie našaj krainy ŭ sacyjalnuju i ekanamičnuju biezdań, adnaviŭšy toje, što ŭžo stračana za čverć stahodździa ciapierašniaj uładaj», — adznačaje Kanapackaja.
Prahrama maje nazvu «Za dziesiacimiljonnuju Biełaruś!» i hruntujecca na bazavych pryncypach demakratyčnaj, jeŭrapiejskaj, suvierennaj i sacyjalnaj dziaržavy.
Raniej pra ŭdzieł u prajmieryz (sumiesnaj pracedury vybaru kandydata ad častki apazicyi) zajavili staršynia AHP Mikałaj Kazłoŭ, sustaršynia BCHD Pavieł Sieviaryniec, kiraŭnik Ruchu «Za Svabodu» Juraś Hubarevič, namieśnik staršyni partyi BNF Alaksiej Janukievič, samavyłučenka, chryścijanskaja demakratka Volha Kavalkova.
Pra mahčymy ŭdzieł praz praceduru prajmieryz zajavili: prafsajuzny lidar Alaksandr Jarašuk, kiraŭnik partyi «Zialonyja» Dźmitryj Kučuk, błohier Siarhiej Cichanoŭski.
Zajaŭki ad achvotnych udzielničać u pracedury prymajucca da 16 lutaha. Razhlad zajavak skončycca da 3 sakavika, paśla čaho pačniecca hałasavańnie ŭ internecie i startujuć pajezdki pa rehijonach. Vyznačycca z kandydaturaj adzinaha pavinny niedzie da kanca viasny.
Taksama raniej pra mahčymy ŭdzieł u vybarach, ale biez udziełu ŭ prajmieryz, skazali kiraŭnik «Narodnaj hramady», kandydat na vybarach-2010 Mikałaj Statkievič, sustaršynia «Havary praŭdu» Taćciana Karatkievič, kiraŭnik BSDH Siarhiej Čeračań, staršynia ŁDPB Aleh Hajdukievič i, biezumoŭna, Alaksandr Łukašenka.
Sami prezidenckija vybary pavinny prajści nie paźniej za 30 žniŭnia 2020 hoda.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary