Šerah ŚMI paviedamili ab mahčymaj pastaŭcy 2,5 młn ton amierykanskaj nafty ŭ Biełaruś. Adnak u biełaruskim uradzie hetuju infarmacyju nie paćvierdzili, piša Tut.by.
Pieršym pra mahčymaści pastavak napisała amierykanskaje vydańnie Daily Beast. Pavodle ich infarmacyi, padčas niadaŭniaha vizitu ŭ Minsk dziaržsakratara ZŠA Majka Pampiea było padpisana ramačnaje pahadnieńnie ab pastaŭkach amierykanskaj nafty ŭ Biełaruś. Tady Pampiea tolki aficyjna zajaviŭ, što ZŠA hatovyja zabiaśpiečyć Biełaruś naftaj na 100% pa kankurentnych cenach.
U publikacyi Daily Beast havorycca, što pahadnieńnie padpisali padkantrolnaja dziaržavie Biełaruskaja naftavaja kampanija i naftahandlovaja firma z Paŭnočnaj Dakoty. Dakumient praduhledžvaje kuplu da 18 młn baralaŭ nafty (kala 2,5 młn ton) u ZŠA ŭ 2020 hodzie.
«Uhoda nie ŭtrymlivaje padrabiaznaściaŭ i moža nie adbycca. Ale jana pasłała sihnał Kramlu: Biełaruś nie choča, kab Rasija była jaje univiersalnym krynicaj enierhii», - havorycca ŭ materyjale.
Zrešty, siońnia pieršy vice-premjer Biełarusi Dźmitryj Kruty zajaviŭ, što z amierykanskimi kampanijami damoŭlenaściaŭ nie dasiahnuta.
«Nijakich kantraktaŭ z amierykancami ŭ nas niama», — skazaŭ Kruty, adkazvajučy na pytańnie karespandenta TUT.BY nakont mahčymaj pastaŭki 18 młn baralaŭ nafty z ZŠA
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary