Połacki prankier pakusaŭ rybu ŭ kramie i vyliŭ sabie na hałavu małako. A ciapier vybačajecca VIDEA
Ale pierad tym jon damoviŭsia z pradavačkami i apłaciŭ tavar, a paśla navat pamyŭ padłohu.
19-hadovy Valer Pirahoŭ z Połacka nahladzieŭsia razam sa svaimi siabrami rolikaŭ na jutubie i vyrašyŭ paŭtaryć podźvihi inšych błohieraŭ.
«Usio zadumvałasia jak prykoł. I pra ŭsio było zahadzia damoŭlena z pradavačkami i z prybiralščycami. Roliki my zapisvali dla našaha telehram-kanała, vykłali ŭ instahram. Našy siabry, jakich čałaviek 200, paśmiajalisia i zabylisia», — raskazvaje Valer.
Adnak roliki trapili ŭ jutub-kanał administratara adnoj z haradskich supołak Połacka «Ukantakcie».
«Z hetaha i pačałosia. My byli ŭ šoku, kali rolik padpisali «Žyvadzior u kramie. Kudy hladzić milicyja?» Nu jaki žyvadzior?! Ja i nie kusaŭ tuju rybinu, navat kroŭ u jaje nie pajšła. Paśla za rybu zapłaciŭ, za małako taksama. Ja navat padłohu paśla pamyŭ u kramie», — zapeŭnivaje Valer.
Valer Pirahoŭ — navučeniec Połackaha politechničnaha kaledža. Paśla taho jak jaho svavolstvy trapili ŭ sieciva, pačalisia prablemy na vučobie.
«Dyrektar vyklikaŭ mianie z mamaj da siabie. Była doŭhaja razmova, što ja pavinien vučobaj zajmacca, a nie łuchtoj usiakaj. Ja pahadziŭsia z hetym. Mnie dali termin na vypraŭleńnie. Zdajecca, u milicyju nichto zajaŭ pisać nie budzie.
Usio, bolš nijakich prankaŭ, nijakaha błohierstva. Chopić ź mianie», — adkazvaje Valer.
U kaledžy, dzie vučycca Valer, raskazali, što ŭ navučenca jość prablemy z vučobaj.
«Videa tut ni pry čym, chacia jano taksama niehatyŭna adbivajecca na imidžy našaj ustanovy. U kamientarach ža pišuć: kudy hladziać nastaŭniki? Ale kab Pirahoŭ vučyŭsia na vydatna, to prablem by ŭ jaho nie było. Adnak jość pytańni ź niezadavalniajučymi adznakami, z prahułami. Valer vučycca na płatnym. Chłopcu 19 hadoŭ, lepš znajšoŭ by sabie padpracoŭku, dyk jon zajmajecca łuchtoj», — adkazali ŭ kaledžy.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?42
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary