58-hadovaja žančyna z Žytkavičaŭ z karanavirusam u ciažkim stanie. Ni jana, ni jaje asiarodździe nie byli za miažoj
U Biełarusi zafiksavany 81 vypadak karanavirusa. Hałoŭnyja ačahi — Minsk (bolš za 40), Viciebsk (kala 30). Aproč taho, jość adzin chvory čałaviek u Hrodnie, adzin u Homieli.
A ciapier stała viadoma pra jašče vypadak zachvorvańnia na karanavirus. 58-hadovaja žycharka Žytkavičaŭ znachodzicca ŭ stabilna ciažkim stanie ŭ homielskaj reanimacyi. Dyjahnaz — dvuchbakovaja pnieŭmanija.
Jaje situacyja admietnaja tym, što ni žančyna, ni jaje asiarodździe nie vyjazdžali za miažu.
Tut.by piša, što ŭ žančyny jašče tydzień tamu padniałasia tempieratura, pačaŭsia suchi kašal. U rajonnaj paliklinicy joj pastavili dyjahnaz «vostraja reśpiratornaja virusnaja infiekcyja» i vypisali antybijotyki. Plonu heta nie davała, i ŭ subotu žančyna pajšła ŭ žytkavickuju palikliniku da terapieŭta. Paśla kansultacyi vyjšła z kabinieta i straciła prytomnaść. Tolki tady ŭ jaje dyjahnastavali dvuchbakovuju pnieŭmaniju. Tady ž zrabili test na karanavirus — i atrymali stanoŭčy vynik.
Jak daviedałasia «Radyjo Svaboda», žančyna pracuje na adnym z pradpryjemstvaŭ načalnikam adździeła kadraŭ.
Na pradpryjemstvie ŭžo try dni pravodzicca sanitarnaja apracoŭka, daktary praviarajuć temperaturu ŭ supracoŭnikaŭ.
Špitalizavanyja na karancin 42 čałavieki, u tym liku i žytkavickija miedyki.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary