Pacyjenty z karanavirusnaj infiekcyjaj u Maskvie buduć lačycca ŭ chatnich umovach, kali jany nie naležać da hrup ryzyki, a zachvorvańnie prachodzić lohka. Takoje pałažeńnie źmiaščajecca ŭ schiemie pracy chutkaj dapamohi, apublikavanaj na sajcie haradskoha departamienta achovy zdaroŭja, piša «Radyjo Svaboda».
Daktaram chutkaj dapamohi pradpisana pakidać chvoraha doma, kali jon nie naležyć da hrup ryzyki, jaho tempieratura nižej za 38,5 hradusaŭ, uzrovień nasyčanaści kryvi kisłarodam bolšy za 93%, a častata dychalnych ruchaŭ nižejšaja za tryccać. Pry hetym jamu buduć rekamiendavać vyklikać doktara pry paharšeńni hetych pakazčykaŭ.
Doma takomu pacyjentu prapišuć supraćvirusnyja preparaty Łapinavir + Rytanavir, šmat pićcia i paracetamoł (ci niešta inšaje, što panižaje tempieraturu). Hetyja praviły buduć dziejničać da 30 sakavika.
Pacyjent budzie špitalizavany i ŭ vypadku, kali žyvie ź ludźmi z hrupy ryzyki — u tym liku ź ludźmi, starejšymi za 65 hadoŭ, uładalnikami chraničnych zachvorvańniaŭ abo ciažarnymi.
Kolkaść chvorych u Rasii vyrasła da 658. Pryčym u Maskvie 410
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary